CJP പ്രതിഷേധം തടയാൻ ഡൽഹിയിൽ സെക്ഷൻ 163 പ്രഖ്യാപിച്ചു; 4,000 സി.എ.പി.എഫ് കാരെ വിന്യസിക്കും

ഒക്ടോബർ 10-ന് കോക്ക്റോച്ച് ജനതാ പാർട്ടി (സി.ജെ.പി) സംഘടിപ്പിക്കുന്ന ഡൽഹി ചലോ പ്രതിഷേധ പ്രകടനത്തിന് മുന്നോടിയായി തലസ്ഥാനത്ത് സുരക്ഷയും നിരീക്ഷണവും ശക്തമാക്കി. അനുമതിയില്ലാതെ പ്രതിഷേധം നടത്തുന്നത് തടയാൻ ഡൽഹിയിൽ സെക്ഷൻ 163 പ്രഖ്യാപിച്ചതായി ഡി.സി.പി സൃഷ്ടി പാണ്ഡെ അറിയിച്ചു.

ജന്തർ മന്തറിലും കേന്ദ്ര ഡൽഹിയിലുമായി 4,000 കേന്ദ്ര പാര മിലിട്ടറി (സി.എ.പി.എഫ്) ഉദ്യോഗസ്ഥരെ വിന്യസിക്കുകയും പ്രധാന പാതകളിൽ ഗതാഗത നിയന്ത്രണം ഏർപ്പെടുത്തുകയും ചെയ്തിട്ടുണ്ട്. പ്രതിഷേധക്കാർ തടിച്ചുകൂടിയാൽ സ്റ്റേഡിയങ്ങൾ താത്കാലിക തടങ്കൽ കേന്ദ്രങ്ങളാക്കാനും പോലീസ് ആലോചിക്കുന്നുണ്ട്.

സി.ജെ.പി വക്താവ് സൗരവ് ദാസ് ഒക്ടോബർ 10-ലെ പ്രതിഷേധ വിവരം ഔദ്യോഗികമായി കൈമാറിയെങ്കിലും പോലീസ് ഇതിന് അനുമതി നൽകിയിട്ടില്ല. മുൻകാല ക്രിമിനൽ പശ്ചാത്തലമുള്ള 2,800-ഓളം പേരെ എഫ്.ആർ.എസ് (FRS) വഴി നിരീക്ഷിക്കാനും അതിർത്തികളിൽ കർശന പരിശോധന നടത്താനും നിർദ്ദേശമുണ്ട്. വിദ്യാർത്ഥികൾ പ്രതിഷേധത്തിൽ പങ്കെടുക്കുന്നത് തടയാൻ ക്യാമ്പസ് മേധാവികളുമായും പി.ജി ഉടമകളുമായും പോലീസ് സ്റ്റേഷൻ ഹൗസ് ഓഫീസർമാർ ബന്ധപ്പെട്ടുവരികയാണ്.