ദില്ലിയിലെ സ്ഫോടനം: മരണസംഖ്യ പത്തായി ഉയർന്നു; രാജ്യത്തുടനീളം അതീവ ജാഗ്രത നിർദേശം
ദില്ലി ചെങ്കോട്ട മെട്രോ സ്റ്റേഷനടുത്ത് ഉണ്ടായ സ്ഫോടനത്തിൽ മരണസംഖ്യ പത്തായി ഉയർന്നു. 30-ലധികം പേർക്ക് പരിക്കേറ്റിട്ടുണ്ട്. ഇതിൽ ആറുപേരുടെ നില ഗുരുതരമാണ്.ഒന്നാം നമ്പർ ഗേറ്റിന് സമീപമാണ് സ്ഫോടനം ഉണ്ടായത്. സ്ഫോടനത്തെ തുടർന്ന് സമീപത്തെ എട്ടു വാഹനങ്ങൾ കത്തി നശിച്ചു. ചെങ്കോട്ട മെട്രോ സ്റ്റേഷൻ ഒന്നാം നമ്പർ ഗേറ്റിന്റെ അടുത്തായാണ് സ്ഫോടനം ഉണ്ടായത്. രണ്ടു കാറുകൾ പൊട്ടിത്തെറിച്ചെന്നാണ് സൂചന. സംഭവത്തെ തുടർന്ന് രാജ്യത്തുടനീളം അതീവ ജാഗ്രത നിർദേശ പുറപ്പെടുവിപ്പിച്ചു
ഡൽഹിയിലെ അതീവ സുരക്ഷാ മേഖലയിലാണ് സ്ഫോടനം ഉണ്ടായത്. ഭീകരാക്രമണണെന്ന് നിഗമനത്തിലാണ് സർക്കാർ . അഞ്ച് ഫയർ എൻജിനുകൾ എത്തിച്ചേർന്നാണ് തീയണച്ചത്. ദില്ലി പൊലീസിന്റെ സ്പെഷ്യൽ സെല്ലും എൻഎസ്ജി ബോംബ് സ്ക്വാഡും സ്ഥലത്തെത്തിയിട്ടുണ്ട്. സ്ഫോടനം നടന്നയിടത്ത് ഒരു മൃതദേഹം ചിന്നിച്ചിതറിക്കിടക്കുന്നതും പ്രചരിക്കുന്ന ദൃശ്യങ്ങളിൽ കാണാം.