ഈറോഡ് എംപി ഗണേശമൂര്ത്തി ആത്മഹത്യക്ക് ശ്രമിച്ചു; തീവ്രപരിചരണ വിഭാഗത്തില് ചികിത്സയിൽ
Mar 24, 2024, 16:59 IST
:ഈറോഡ് എംപി ആത്മഹത്യക്ക് ശ്രമിച്ചു. ആത്മഹത്യയ്ക്ക് ശ്രമിച്ച എ.ഗണേശമൂർത്തിയെ കോയമ്പത്തൂർ ആശുപത്രിയിൽ പ്രവേശിപ്പിച്ചു. തീവ്രപരിചരണ വിഭാഗത്തില് ചികിത്സയിലാണ് എ ഗണേശമൂര്ത്തി. ഇന്ന് രാവിലെ 9.30ഓടെയാണ് സംഭവം.
ആരോഗ്യനില ഗുരുതരമായി തുടരുകയാണെന്ന് കോയമ്പത്തൂരിലെ സ്വകാര്യ ആശുപത്രിയിലെ ഡോക്ടര്മാര് അറിയിച്ചു. വെന്റിലേറ്ററിന്റെ സഹായത്തോടെയാണ് ജീവൻ നിലനിര്ത്തുന്നത്. എംഡിഎംകെ പാര്ട്ടി നേതാവായ ഗണേശമൂര്ത്തി ഡിഎംകെ ചിഹ്നത്തിലാണ് കഴിഞ്ഞ തവണ വിജയിച്ചത്. ഇത്തവണ സഖ്യകക്ഷിയായ ഡിഎംകെ ഗണേശമൂര്ത്തിയ്ക്ക് സീറ്റ് നിഷേധിച്ചിരുന്നു.