പ്രധാനമന്ത്രിയുടെ വീഡിയോ നീക്കം ചെയ്ത സംഭവം; മെറ്റ ക്ഷമാപണം നടത്തി, വീഡിയോ പുനഃസ്ഥാപിച്ചു

പ്രധാനമന്ത്രി നരേന്ദ്ര മോദി പ്രതിഷേധക്കാരെ അഭിസംബോധന ചെയ്യുന്ന വീഡിയോ ഫേസ്ബുക്കിൽ നിന്ന് നീക്കം ചെയ്ത സംഭവത്തിൽ ക്ഷമാപണവുമായി മെറ്റ.

നീറ്റ് ചോദ്യപേപ്പർ ചോർച്ചയുമായി ബന്ധപ്പെട്ട പ്രതിഷേധത്തിനിടെ പ്രധാനമന്ത്രി നടത്തിയ സന്ദേശത്തിന്റെ വീഡിയോയാണ് നീക്കം ചെയ്യപ്പെട്ടത്. സാങ്കേതിക തകരാർ മൂലമാണ് വീഡിയോ നീക്കം നീക്കം ചെയ്തതെന്നും, ഇപ്പോൾ വീഡിയോ പുനഃസ്ഥാപിച്ചിട്ടുണ്ടെന്നും മെറ്റ വക്താവ് അറിയിച്ചു.

എന്നാൽ സംഭവത്തെക്കുറിച്ച് സർക്കാർ അന്വേഷണം തുടങ്ങിയിരുന്നു. കൂടാതെ മെറ്റയുടെ ഉന്നത ഉദ്യോഗസ്ഥരെ വിശദീകരണം നൽകുന്നതിനായി വിളിച്ചുവരുത്തുകയും ചെയ്തിരുന്നു. പിന്നാലെയാണ് ക്ഷമാപണം നടത്തിയത്.

NEET-UG പേപ്പർ ചോർച്ചയെത്തുടർന്ന് അന്നത്തെ വിദ്യാഭ്യാസ മന്ത്രി ധർമ്മേന്ദ്ര പ്രധാൻ്റെ രാജി ആവശ്യപ്പെട്ട് രാജ്യവ്യാപകമായി പ്രതിഷേധങ്ങൾ നടക്കുന്നതിനിടെയാണ് സംഭവമുണ്ടായത്. രാത്രി വൈകിയാണ് വീഡിയോ പോസ്റ്റ് ചെയ്തത്. പ്രധാനമന്ത്രി മോദി വിദ്യാർഥികളോട് നേരിട്ട് അഭ്യർഥന നടത്തുന്ന വീഡിയോ ആയിരുന്നു ഇത്