അറസ്റ്റിലായ കന്യാസ്ത്രീകൾ നിരപരാധികൾ എന്ന് ആവർത്തിച്ച് പെൺകുട്ടി

മതപരിവർത്തനവും മനുഷ്യകടത്തും ആരോപിച്ച് ഛത്തീസ്ഗഡിൽ അറസ്റ്റിലായ മലയാളി കന്യാസ്ത്രീകൾ നിരപരാധികൾ ആണെന്ന് ആവർത്തിച്ചു പെൺകുട്ടി. 5 വർഷം ആയി ക്രിസ്തു മതത്തിൽ വിശ്വസിക്കുകയാണ്.ജോലിക്കായി സ്വന്തം ഇഷ്ടപ്രകാരവും മാതാപിതാക്കളുടെ സമ്മതത്തോടുകൂടിയുമാണ് പോയതെന്നും പെൺകുട്ടി പറഞ്ഞു.

പൊലീസ് പറയുന്നത് വ്യാജമാണ്. ബജ്‌റംഗ്ദൾ പ്രവർത്തകർ അകാരണമായി ആക്രമിച്ചെന്നും,കന്യാസ്ത്രീകൾക്ക് എതിരെ മൊഴികൊടുക്കാൻ നിർബന്ധിച്ചു
പെൺകുട്ടി പറയുന്നു. ഒരു ഇംഗ്ലീഷ് മാധ്യമത്തോട് ആണ് ഇക്കാര്യം പറഞ്ഞത്.കന്യാസ്ത്രീകൾക്ക് നീതി ലഭിക്കണം. പൊലീസ് ഞങ്ങൾ പറഞ്ഞത് കേൾക്കാതെയാണ് കേസിൽ മതപരിവർത്തനം ഉൾപ്പെടുത്തിയത്. പൊലീസ് മൊഴിയിൽ പറയാത്ത കാര്യങ്ങൾ കൂടി പൊലീസ് രേഖപ്പെടുത്തി എന്നും പെൺകുട്ടി പറഞ്ഞു