മഹീകയ്ക്ക് 1.7 കോടിയുടെ ആഡംബര കാർ സമ്മാനിച്ച് ഹാർദിക്; ചിത്രങ്ങൾ വൈറൽ

മുംബൈ ഇന്ത്യൻസ് നായകൻ ഹാർദിക് പാണ്ഡ്യ തന്റെ കാമുകിയും മോഡലുമായ മഹീക ശർമയ്ക്ക് 1.7 കോടി രൂപ വിലമതിക്കുന്ന മെഴ്‌സിഡസ് ബെൻസ് വി-ക്ലാസ് (Mercedes-Benz V-Class) സമ്മാനമായി നൽകി. ഇന്ത്യയിലെ തന്നെ ഇത്തരത്തിലുള്ള ആദ്യത്തെ ലക്സറി എംപിവി (MPV) യൂണിറ്റുകളിൽ ഒന്നാണ് ഈ വാഹനമെന്നാണ് റിപ്പോർട്ടുകൾ. പുതിയ കാറിനൊപ്പം ഇരുവരും നിൽക്കുന്ന ചിത്രങ്ങൾ ഇതിനോടകം തന്നെ സോഷ്യൽ മീഡിയയിൽ വൈറലായിക്കഴിഞ്ഞു.

കുറച്ച് ആഴ്ചകൾക്ക് മുൻപ് 12 കോടി രൂപ വിലമതിക്കുന്ന ഫെരാരി 12 സിലിൻഡ്രി (Ferrari 12Cilindri) ഹാർദിക് സ്വന്തമാക്കിയിരുന്നു. ഈ കാറിൽ മഹീകയ്‌ക്കൊപ്പം മുംബൈ നഗരത്തിലൂടെ ഹാർദിക് യാത്ര ചെയ്യുന്ന ദൃശ്യങ്ങളും വലിയ ചർച്ചയായിരുന്നു. താഴ്ന്ന ബോഡിയുള്ള ഈ സ്പോർട്സ് കാർ മുംബൈയിലെ ഒരു സ്പീഡ് ബ്രേക്കർ മറികടക്കാൻ ബുദ്ധിമുട്ടുന്ന വീഡിയോയും ആരാധകർക്കിടയിൽ പ്രചരിച്ചിരുന്നു. നിലവിൽ ലോകത്തിലെ തന്നെ ഏറ്റവും മികച്ച കാർ ശേഖരങ്ങളിലൊന്ന് ഹാർദിക്കിന്റെ പക്കലുണ്ട്.