മഴയിൽ മുങ്ങി ഇന്ത്യ- ന‍്യൂസിലൻഡ് മൂന്നാം ഏകദിനം; പരമ്പര ഇന്ത്യക്ക്
ഇന്ത്യയും ന്യൂസിലൻഡും തമ്മിലുള്ള മൂന്നാം ഏകദിന മത്സരം മഴയെ തുടർന്ന് ഉപേക്ഷിച്ചു. ഇതോടെ അഞ്ച് മത്സരങ്ങളടങ്ങിയ പരമ്പരയിൽ ആദ്യ രണ്ട് മത്സരങ്ങളും വിജയിച്ച ഇന്ത്യ മുന്നിലെത്തി. ശേഷിക്കുന്ന രണ്ട് മത്സരങ്ങൾ വിജയിച്ചാലും ന്യൂസിലൻഡിന് പരമ്പര സമനിലയിലാക്കാനേ കഴിയൂ.
സ്വന്തം മണ്ണിൽ തുടർച്ചയായി 11 ഏകദിന പരമ്പരകൾ വിജയിച്ച ന്യൂസിലൻഡിന്റെ റെക്കോർഡിനും ഇതോടെ തിരിച്ചടിയായി. കഴിഞ്ഞ ദിവസം മുതൽ ഹാമിൽട്ടണിൽ മഴ തുടരുകയായിരുന്നു. മഴമൂലം മത്സരം 40 ഓവറായി ചുരുക്കിയെങ്കിലും ടോസിന് പിന്നാലെ വീണ്ടും മഴ ശക്തമായതോടെ മത്സരം ഉപേക്ഷിക്കുകയായിരുന്നു. ടോസ് നേടിയ ഇന്ത്യ ഫീൽഡിങ് തിരഞ്ഞെടുക്കുകയായിരുന്നു.
അതേസമയം, പരമ്പരയിലെ ശേഷിക്കുന്ന രണ്ട് മത്സരങ്ങളിലും ഇന്ത്യൻ ക്യാപ്റ്റൻ ശുഭ്മൻ ഗിൽ കളിക്കില്ല. നവംബർ 19ന് ആരംഭിക്കുന്ന ടെസ്റ്റ് പരമ്പരയ്ക്കുള്ള തയ്യാറെടുപ്പിന്റെ ഭാഗമായാണ് ഗിൽ ഏകദിന പരമ്പരയിൽനിന്ന് പിന്മാറുന്നത്.