സച്ചിന്റെ 36 വര്ഷത്തെ റെക്കോഡ് തകര്ത്ത് വൈഭവ് സൂര്യവംശി
Jun 6, 2026, 17:50 IST
ഇന്ത്യന് ക്രിക്കറ്റില് പുതിയ ചരിത്രം കുറിച്ച് പതിനഞ്ചുകാരന് വൈഭവ് സൂര്യവംശി. അയര്ലന്ഡ്, ഇംഗ്ലണ്ട് പര്യടനങ്ങള്ക്കും ഏഷ്യന് ഗെയിംസിനുമുള്ള ഇന്ത്യന് ടീമിനെ ശനിയാഴ്ച പ്രഖ്യാപിച്ചപ്പോള്, യുവ ഇടംകയ്യന് ബാറ്റര് വൈഭവ് ടീമിലിടം നേടി. ഇതോടെ ഇന്ത്യന് സീനിയര് ടീമിലേക്ക് തെരഞ്ഞെടുക്കപ്പെടുന്ന ഏറ്റവും പ്രായം കുറഞ്ഞ താരം എന്ന മാസ്റ്റര് ബ്ലാസ്റ്റര് സച്ചിന് ടെണ്ടുല്ക്കറുടെ ദീര്ഘകാലത്തെ റെക്കോര്ഡാണ് സൂര്യവംശി തകര്ത്തത്. 1989-ല് പതിനാറാം വയസ്സില് പാകിസ്ഥാനെതിരെ സച്ചിന് അരങ്ങേറ്റം കുറിച്ചതിനു ശേഷം കഴിഞ്ഞ 36 വര്ഷമായി തകരാതെ നിന്ന റെക്കോര്ഡാണ് ഈ ബീഹാര് സ്വദേശി സ്വന്തം പേരിലാക്കിയത്.