ചൈനയുടെ 'ചാങ്ഇ-7' ചാന്ദ്രദൗത്യം വൈകും; വിക്ഷേപണം സെപ്റ്റംബറിലേക്ക് മാറ്റി

ചന്ദ്രന്റെ ദക്ഷിണ ധ്രുവത്തിൽ ജലത്തിന്റെ സാന്നിധ്യം തിരയാൻ ലക്ഷ്യമിട്ടുള്ള ചൈനയുടെ നിർണായക ദൗത്യമായ 'ചാങ്ഇ-7' (Chang'e-7) വിക്ഷേപണം വൈകും. പ്രതികൂല കാലാവസ്ഥയെ തുടർന്ന് ഓഗസ്റ്റ് 24-ന് നടത്താനിരുന്ന വിക്ഷേപണം സെപ്റ്റംബറിലേക്ക് മാറ്റിവെക്കാൻ തീരുമാനിച്ചു. വിക്ഷേപണത്തിനുള്ള ലോങ് മാർച്ച് 5 റോക്കറ്റും പേടകവും ലോഞ്ച് കോംപ്ലക്‌സിൽ നിന്ന് വെഹിക്കിൾ അസംബ്ലി കെട്ടിടത്തിലേക്ക് മാറ്റി കൂടുതൽ സാങ്കേതിക പരിശോധനകൾ നടത്തും.

ചന്ദ്രന്റെ ദക്ഷിണ ധ്രുവത്തിലെ തണുത്തുറഞ്ഞ ജലത്തിന്റെ സാന്നിധ്യം കണ്ടെത്തുക, അന്തരീക്ഷ പഠനം നടത്തുക, ഭാവിയിലെ ചാന്ദ്ര ഗവേഷണ സ്റ്റേഷന് അടിത്തറയിടുക എന്നിവയാണ് ദൗത്യത്തിന്റെ പ്രധാന ലക്ഷ്യങ്ങൾ. ദക്ഷിണ ധ്രുവത്തിലെ സൂര്യപ്രകാശം എത്താാത്ത ഗർത്തങ്ങളിൽ മൈനസ് 203 ഡിഗ്രി സെൽഷ്യസ് വരെ താപനില കുറയാമെന്നതിനാൽ ജലം സംരക്ഷിക്കപ്പെടാൻ സാധ്യതയേറെയാണ്.

ഭാവിയിൽ ബഹിരാകാശയാത്രികർക്ക് കുടിവെള്ളവും ഓക്സിജനും ലഭ്യമാക്കാൻ ഇത് നിർണായകമാണ്. 2023-ൽ ചന്ദ്രയാൻ-3 ദൗത്യത്തിലൂടെ ഇന്ത്യ മാത്രമാണ് ഇതുവരെ ചന്ദ്രന്റെ ദക്ഷിണ ധ്രുവത്തിന് സമീപം ലാൻഡ് ചെയ്തിട്ടുള്ളത്.