ഇന്ത്യയിലെ ഗവേഷകർക്ക് ഒരു വർഷത്തേക്ക് ചാറ്റ് ജിപിടി പ്ലസ് സൗജന്യമായി നൽകാൻ ഓപ്പൺ എ.ഐ

 

ഇന്ത്യയിലെ അക്കാദമിക് ഗവേഷകർക്ക് ഒരു വർഷത്തേക്ക് 'ചാറ്റ് ജിപിടി പ്ലസ്' (ChatGPT Plus) സൗജന്യമായി നൽകുമെന്ന് ഓപ്പൺ എ.ഐ പ്രഖ്യാപിച്ചു. ആഗോളതലത്തിൽ നടപ്പാക്കുന്ന പ്രത്യേക പദ്ധതിയുടെ ഭാഗമായാണ് ഈ അവസരം ഒരുക്കുന്നത്.

തിരഞ്ഞെടുക്കപ്പെട്ട സ്ഥാപനങ്ങളിലെ ശാസ്ത്രം, ഗണിതശാസ്ത്രം, എൻജിനീയറിങ് മേഖലകളിലെ ഗവേഷകർക്കും പോസ്റ്റ്ഡോക്ടറൽ ഗവേഷകർക്കുമാണ് ഈ ആനുകൂല്യം ലഭിക്കുക. ഓപ്പൺ എ.ഐയുടെ 'റിസർച്ചർ ആക്സസ് പോർട്ടൽ' വഴി നവംബർ 30 മുതൽ ഇതിനായി അപേക്ഷിക്കാവുന്നതാണ്.

അപേക്ഷ ലഭിക്കുന്ന മുൻഗണനാക്രമത്തിലായിരിക്കും തിരഞ്ഞെടുപ്പ്. ഒരു ഗ്രാന്റിലൂടെ അപേക്ഷകന് പുറമെ രണ്ട് സഹപ്രവർത്തകർക്കും ഈ സൗകര്യം സൗജന്യമായി ഉപയോഗിക്കാൻ സാധിക്കുമെന്ന് ഓപ്പൺ എ.ഐ വ്യക്തമാക്കി.