സ്റ്റാർഷിപ്പ് 13-ാം വിക്ഷേപണം വിജയം: ഉപഗ്രഹങ്ങൾ ഭ്രമണപഥത്തിൽ, സ്പ്ലാഷ്ഡൗൺ വിജയിച്ചില്ല, ബൂസ്റ്റർ കടലിൽ പതിച്ചു

സ്‌പേസ് എക്‌സിന്റെ ഭീമൻ റോക്കറ്റായ സ്റ്റാർഷിപ്പിന്റെ 13-ാം വിക്ഷേപണം വിജയകരമായി പൂർത്തിയാക്കി. ചന്ദ്രനിലേക്കും ചൊവ്വയിലേക്കും ബഹിരാകാശ സഞ്ചാരികളെയും ചരക്കുകളും എത്തിക്കാൻ ശേഷിയുള്ള പൂർണ്ണമായും പുനരുപയോഗിക്കാവുന്ന റോക്കറ്റ് വികസിപ്പിക്കുന്നതിൽ വലിയ മുന്നേറ്റമാണിതെന്ന് സ്‌പേസ് എക്‌സ് വ്യക്തമാക്കി. ടെക്‌സസിലെ സ്റ്റാർബേസിൽ നിന്നായിരുന്നു വിക്ഷേപണം.

ലോകത്തിലെ ഏറ്റവും വലിയതും ശക്തവുമായ ഈ റോക്കറ്റ് 20 സ്റ്റാർലിങ്ക് ഉപഗ്രഹങ്ങളെ വിജയകരമായി താഴ്ന്ന ഭ്രമണപഥത്തിലെത്തിച്ചു. വിക്ഷേപണത്തിന് എൻജിൻ തകരാർ മൂലം നേരത്തെ തടസ്സം നേരിട്ടിരുന്നെങ്കിലും രണ്ടാം ശ്രമത്തിൽ ലക്ഷ്യം കാണാനായി.

വിക്ഷേപണം കഴിഞ്ഞ് രണ്ട് മിനിറ്റിനുശേഷം സൂപ്പർ ഹെവി ബൂസ്റ്റർ ഭാഗം വേർപെട്ട് മെക്‌സിക്കോ ഉൾക്കടലിൽ നിയന്ത്രിതമായി പതിക്കാൻ ശ്രമിച്ചെങ്കിലും ലാൻഡിങ് ബേണിനിടെ എൻജിൻ തകരാർ കാരണം സ്പ്ലാഷ്ഡൗൺ പരാജയപ്പെട്ടു. തുടർന്ന് പ്രധാന സ്റ്റാർഷിപ്പ് റോക്കറ്റ് ഒരു മണിക്കൂറിനുശേഷം അന്തരീക്ഷത്തിലേക്ക് തിരികെ പ്രവേശിച്ച് ഇന്ത്യൻ മഹാസമുദ്രത്തിൽ പതിച്ചു. ഉപഗ്രഹ വിന്യാസത്തിനും ഭ്രമണപഥത്തിലെ എൻജിൻ പുനരുജ്ജീവന പരീക്ഷണങ്ങൾക്കും പ്രാധാന്യം നൽകിയുള്ളതായിരുന്നു ഫ്ലൈറ്റ് 13 ദൗത്യം.