രൺവീർ സിങ്ങിനെ നായകനാക്കി ആദിത്യ ധർ സംവിധാനംചെയ്ത‌ സ്പൈ ത്രില്ലർ ചിത്രം ധുരന്ധറിൻ്റെ രണ്ടാം ഭാഗം 'ധുരന്ധർ: ദ റിവഞ്ചിന്റെ ടീസർ പുറത്തുവിട്ടു. ചിത്രം ' 2026 മാർച്ച് 19-ന്  തിയേറ്ററിലെത്തും. ചിത്രത്തിന്റെ പോസ്റ്റർ രൺവീർ സിങ്ങ് തന്റെ ഇൻസ്റ്റഗ്രാമിലൂടെ നേരത്തെ പുറത്തുവിട്ടിരുന്നു. കടും ചുവപ്പ് നിറത്തിലാണ് പോസ്റ്റർ ഒരുക്കിയിരിക്കുന്നത്. ദി റിവഞ്ച് എന്ന് എഴുതിയിരിക്കുന്നതും കാണാം.

ഇന്ത്യയിൽനിന്നു മാത്രം 1000 കോടി രൂപ ഗ്രോസ് കളക്ഷൻ നേടുന്ന ആദ്യ ബോളിവുഡ് ചിത്രമായിരുന്നു ധുരന്ധർ. അന്താരാഷ്ട്ര വിപണിയിലും മികച്ച പ്രകടനമാണ് ഈ സ്പൈ ത്രില്ലർ കാഴ്‌ചവെച്ചത്. മിഡിൽ ഈസ്റ്റിലെ നിരോധനം വകവെക്കാതെ തന്നെ വിദേശ രാജ്യങ്ങളിൽ നിന്ന് 33 മില്യൺ ഡോളർ ചിത്രം സ്വന്തമാക്കി. ധുരന്ധറിന്റെ ആഗോളതലത്തിലുള്ള ആകെ ഗ്രോസ് കളക്ഷൻ ഏകദേശം 1300 കോടി രൂപയാണ്. രൺവീർ സിംഗിനെ കൂടാതെ അക്ഷയ് ഖന്ന, സഞ്ജയ് ദത്ത്, ആർ. മാധവൻ, അർജുൻ രാംപാൽ എന്നിവരും ഈ ചിത്രത്തിൽ പ്രധാന വേഷങ്ങളിൽ ഉണ്ട്.