വിവാദ പരാമർശങ്ങളിൽ സമസ്ത എപി വിഭാ​ഗം നേതാവ് എപി അബൂബക്കർ കാന്തപുരം നൽകിയ വിശദീകരണത്തിൽ പ്രതികരണവുമായി നടി മാലാ പാർവതി. സ്ത്രീകൾക്ക് രണ്ടാം സ്ഥാനം നൽകിയിട്ടില്ലെന്നായിരുന്നു കാന്തപുരത്തിന്റെ വിശദീകരണം. കാന്തപുരം തൻ്റെ നിലപാട് മയപ്പെടുത്തിയെന്ന് പറഞ്ഞ മാലാ പാർവതി, നാടിനെ പിന്നാക്കം തള്ളുന്ന പ്രസ്താവനകൾ ഈ മണ്ണിൽ വിലപ്പോവില്ല എന്ന ഒരു താക്കീത്, ചെറുത്ത് നിൽപ്പിലൂടെ കേരളം പറഞ്ഞ് വച്ചുവെന്നും പറഞ്ഞു. പ്രതിരോധിക്കേണ്ടത് പ്രതിരോധിച്ചും, പ്രതിഷേധിക്കേണ്ടതിന് പ്രതിഷേധിച്ചും നമുക്ക് മുന്നേറാമെന്നും അവർ കൂട്ടിച്ചേർത്തു.