ബോക്‌സ് ഓഫീസിൽ വൻ തരംഗം സൃഷ്ടിച്ച് ചരിത്രമായിത്തീർന്ന കമൽഹാസൻ ചിത്രം ഇന്ത്യനിൽ നായികയായി ഊർമിള മണ്ഡോത്കർ എത്തിയ സാഹചര്യവും തനിക്കതു നഷ്ടമായതും നടി കസ്തൂരി പറഞ്ഞത് ആരാധകർ ഏറ്റെടുത്തു. വർഷങ്ങൾക്കു ശേഷമാണെങ്കിലും ഇത്തരം അണിയറക്കഥകൾ പുറത്തുവരുന്നത് ആരാധകർക്കു ഹരമാണ്.

ഇന്ത്യനിൽ ഊർമിള ചെയ്ത കഥാപാത്രത്തിനായി തന്നെ പരിഗണിച്ചിരുന്നുവെന്ന് നടി കസ്തൂരി.  സ്വിം സ്യൂട്ടിൽ ഞാനും ചിത്രങ്ങൾ അയച്ചിരുന്നു. എന്നാൽ ആ സമയത്താണ് ഊർമിളയുടെ രംഗീല എന്ന സിനിമയുടെ പ്രൊമോഷൻ നടക്കുന്നത്. ഊർമിളയുടെ തന്ഹാ തന്ഹാ.. എന്ന ഗാനം ഹിറ്റായി. ഇതോടെ ഊർമിളയെ നായികയാക്കി.

എന്നെ സിനിമയിൽ സഹോദരിയുടെ റോളിലേക്ക് വിളിച്ചു. സഹോദരിയുടെ വേഷം ചെയ്യാൻ മടിച്ചെങ്കിലും സിനിമയിലെ പ്രധാനപ്പെട്ട വേഷമാണിതെന്ന് അറിഞ്ഞപ്പോൾ ഇന്ത്യനിൽ അഭിനയിക്കുകയായിരുന്നു. സിനിമകളിൽ ഗ്ലാമറസായി അഭിനയിക്കണമെന്ന് ആഗ്രഹമുണ്ടായിരുന്നു. എന്നാൽ ഗൃഹലക്ഷ്മി എന്ന സീരിയൽ ചെയ്തതോടെ ആന്ധ്രയിലെ എല്ലാ വീടുകളിലെയും ഒരംഗത്തെ പോലെയായി. അതുകൊണ്ട് ഗ്ലാമർ വേഷങ്ങളിൽനിന്നു പിന്മാറുകയായിരുന്നു കസ്തൂരി പറഞ്ഞു.