രാജ്യത്തിന്റെ പ്രതിരോധ ശേഷികളെക്കുറിച്ചുള്ള ബ്ലൂംബെർഗിന്റെ തെറ്റായതും തെറ്റിദ്ധരിപ്പിക്കുന്നതുമായ റിപ്പോർട്ടുകളെ യുഎഇ വിദേശകാര്യ മന്ത്രാലയം തള്ളിക്കളഞ്ഞു.

ഏതു പ്രതിസന്ധിയെയും നേരിടാനുള്ള രാജ്യത്തിൻറെ തയ്യാറെടുപ്പ്, സാങ്കേതിക മികവ്, പ്രവർത്തന സന്നദ്ധത എന്നിവയെ റിപ്പോർട്ട് തെറ്റായി ചിത്രീകരിക്കുന്നുവെന്നും മന്ത്രാലയം പറഞ്ഞു.
ഉത്തരവാദിത്തമുള്ള പത്രപ്രവർത്തനത്തിന്റെയും ഔദ്യോഗിക സ്രോതസ്സുകളുമായി വിവരങ്ങൾ പരിശോധിക്കുന്നതിന്റെയും പ്രാധാന്യം മന്ത്രാലയം ഊന്നിപ്പറഞ്ഞു.
എല്ലാത്തരം വ്യോമ ഭീഷണികളെയും നേരിടാനും രാജ്യത്തിന്റെ വ്യോമാതിർത്തി സംരക്ഷിക്കാനും പ്രാപ്തിയുള്ള വിപുലമായ, ബഹുതല വ്യോമ പ്രതിരോധ സംവിധാനങ്ങൾ യുഎഇയിലുണ്ട് എന്നും മന്ത്രാലയം വ്യക്തമാക്കി.
ദേശീയ സുരക്ഷയും പരമാധികാരവും സംരക്ഷിക്കുന്നതിനുള്ള പൂർണ്ണ പ്രവർത്തന സന്നദ്ധത നിലനിർത്തുന്നതിനൊപ്പം, സുസ്ഥിരമായ ഇടപെടലും പ്രതികരണവും ഉറപ്പാക്കാൻ രാജ്യം ശക്തമായ തന്ത്രപരമായ യുദ്ധോപകരണ ശേഖരം നിലനിർത്തുന്നുണ്ടെന്നും മന്ത്രാലയം കൂട്ടിച്ചേർത്തു.

യുഎഇയുടെ പ്രതിരോധ ശേഷികളും സംയോജിത ദേശീയ സുരക്ഷാ ചട്ടക്കൂടും ഉറച്ചതും വിട്ടുവീഴ്ചയില്ലാത്തതുമാണെന്ന് മന്ത്രാലയം സ്ഥിരീകരിച്ചു.