കുഞ്ഞുങ്ങളോടുള്ള സ്നേഹപ്രകടനം പലപ്പോഴും വിലപിടിപ്പുള്ള കളിപ്പാട്ടങ്ങൾ വാങ്ങിക്കൊടുത്തുകൊണ്ടാണ് മാതാപിതാക്കൾ പ്രകടിപ്പിക്കാറുള്ളത്. എന്നാൽ വീടുനിറയെ കളിപ്പാട്ടങ്ങൾ വാങ്ങിയിടുന്നത് കുട്ടികളുടെ മാനസിക വികാസത്തെ ദോഷകരമായി ബാധിക്കുമെന്ന് പഠനങ്ങൾ മുന്നറിയിപ്പ് നൽകുന്നു.

കളിപ്പാട്ടങ്ങൾ അമിതമാകുമ്പോഴുള്ള ദോഷങ്ങൾ:

• ശ്രദ്ധക്കുറവ്: ഒന്നിലധികം കളിപ്പാട്ടങ്ങൾ മുന്നിലെത്തുമ്പോൾ ഒന്നിലും ശ്രദ്ധ കേന്ദ്രീകരിക്കാൻ കുട്ടികൾക്ക് കഴിയാതെ വരുന്നു. ഇത് ഭാവിയിൽ പഠനത്തിലും മറ്റ് കാര്യങ്ങളിലും ശ്രദ്ധക്കുറവിനും കാരണമാകാം.

• ക്രിയാത്മകത നഷ്ടപ്പെടുന്നു: പഴയകാലത്ത് സാങ്കൽപ്പികമായി കളിച്ചിരുന്ന രീതികൾ മാറി, പൂർണ്ണമായും കളിപ്പാട്ടങ്ങളെ ആശ്രയിക്കുന്ന പ്രവണത കുട്ടികളുടെ ഭാവനയെ തളർത്തുന്നു.

• വൈകാരിക ആശ്രിതത്വം: വിരസതയോ സമ്മർദ്ദമോ ഉണ്ടാകുമ്പോൾ കളിപ്പാട്ടങ്ങളെ മാത്രം ആശ്രയിക്കുന്നത് കുട്ടികളുടെ വൈകാരിക പക്വത കുറയ്ക്കും.

മാതാപിതാക്കൾ ശ്രദ്ധിക്കേണ്ടവ:

1. പരിധി നിശ്ചയിക്കുക: കൈകാര്യം ചെയ്യാൻ കഴിയുന്ന എണ്ണത്തിൽ മാത്രം കളിപ്പാട്ടങ്ങൾ നൽകുക. ഇത് കളിപ്പാട്ടങ്ങളുടെ മൂല്യം മനസ്സിലാക്കാൻ അവരെ സഹായിക്കും.

2. പുറത്തുള്ള കളി: വീടിനുള്ളിൽ ഇരിക്കാതെ പുറത്ത് കളിക്കാനും ചിത്രരചന പോലുള്ള വിനോദങ്ങളിൽ ഏർപ്പെടാനും പ്രോത്സാഹിപ്പിക്കുക.

3. ക്രിയാത്മക കളിപ്പാട്ടങ്ങൾ: വെറുതെ കളിച്ച് തീർക്കുന്നവയ്ക്ക് പകരം കുഞ്ഞുങ്ങളുടെ ചിന്താശേഷിയും ബുദ്ധിയും വളർത്തുന്ന തരം കളിപ്പാട്ടങ്ങൾ തിരഞ്ഞെടുക്കുക.