പ്രോട്ടീൻ സമൃദ്ധമായ രണ്ട് പ്രധാന ഭക്ഷണങ്ങളായ മുട്ടയും പനീറും തമ്മിൽ ഏതാണ് മികച്ചത് എന്നത് സംബന്ധിച്ച് സംശയം പലർക്കുമുണ്ട്. പോഷക വിദഗ്ധരുടെ അഭിപ്രായത്തിൽ, ഇരുവരും വ്യത്യസ്ത രീതിയിൽ ആരോഗ്യത്തിന് ഗുണകരമാണ്.പ്രോട്ടീൻ നിർമ്മാണത്തിന് ആവശ്യമായ ഒമ്പത് അമിനോ ആസിഡുകളും അടങ്ങിയതിനാൽ മുട്ടയും പനീറും സമ്പൂർണ്ണ പ്രോട്ടീൻ ഉറവിടങ്ങളായി കണക്കാക്കപ്പെടുന്നു. പാലുൽപ്പന്നങ്ങളിലും മുട്ടയിലും വിറ്റാമിൻ ബി12, വിറ്റാമിൻ ഡി എന്നിവയും ധാരാളമായി കാണപ്പെടുന്നു.

100 ഗ്രാം പനീറിൽ ഏകദേശം 18 മുതൽ 20 ഗ്രാം വരെ പ്രോട്ടീൻ അടങ്ങിയിരിക്കും. എന്നാൽ കലോറി 200 മുതൽ 250 വരെ ആയിരിക്കും. അതേസമയം ഒരു പുഴുങ്ങിയ മുട്ടയിൽ ഏകദേശം 6 ഗ്രാം പ്രോട്ടീൻ ലഭിക്കും, കലോറി ഏകദേശം 70 വരെ മാത്രമാണ്.ദഹനസൗകര്യത്തിന്റെ കാര്യത്തിൽ മുട്ട കൂടുതൽ എളുപ്പത്തിൽ ദഹിക്കുന്നതായി വിദഗ്ധർ അഭിപ്രായപ്പെടുന്നു. അതിനാൽ ശരീരഭാരം നിയന്ത്രിക്കാൻ ശ്രമിക്കുന്നവർക്ക് മുട്ട കൂടുതൽ അനുയോജ്യമാകാമെന്നും പോഷക വിദഗ്ധർ ചൂണ്ടിക്കാണിക്കുന്നു.