ബഹ്‌റൈനിലുണ്ടായ ഇറാൻ മിസൈലാക്രമണത്തിൽ പരിക്കേറ്റ് ചികിത്സയിൽ കഴിയുന്നവരെ സന്ദർശിച്ച് രാജ്യത്തെ ഉന്നത മന്ത്രിമാർ. പ്രതിരോധ കാര്യ മന്ത്രി അബ്ദുള്ള ബിൻ ഹസ്സൻ അൽ നുഐമി, ആരോഗ്യ മന്ത്രി ജലീല ബിൻത് അൽ സയ്യിദ് ജവാദ് ഹസ്സൻ എന്നിവരാണ് ആശുപത്രിയിലെത്തി പരിക്കേറ്റവർക്ക് പിന്തുണ അറിയിച്ചത്. ആക്രമണത്തിന് ഇരയായവർക്ക് ആവശ്യമായ എല്ലാ വൈദ്യസഹായവും പരിഗണനയും ലഭിക്കുന്നുണ്ടെന്ന് ഉറപ്പുവരുത്താനാണ് മന്ത്രിമാർ നേരിട്ടെത്തിയത്.

പരിക്കേറ്റവരുടെ ആരോഗ്യനില വിലയിരുത്തിയ മന്ത്രിമാർ, അവർക്ക് ലഭ്യമായ ചികിത്സാ സൗകര്യങ്ങൾ പരിശോധിക്കുകയും മികച്ച പരിചരണം നൽകാൻ ആശുപത്രി അധികൃതർക്ക് നിർദ്ദേശം നൽകുകയും ചെയ്തു. രാജ്യത്തിന് നേരെയുണ്ടായ ഈ വെല്ലുവിളിയുടെ സമയത്ത് പരിക്കേറ്റവർക്കും അവരുടെ കുടുംബങ്ങൾക്കും എല്ലാവിധ പിന്തുണയും സർക്കാർ വാഗ്ദാനം ചെയ്തു. പരിക്കേറ്റവർ എത്രയും വേഗം സുഖം പ്രാപിക്കട്ടെ എന്ന് മന്ത്രിമാർ ആശംസിച്ചു.