ബലിപെരുന്നാളിനോടനുബന്ധിച്ച് രാജ്യത്ത് നൂറുകണക്കിന് തടവുകാർക്ക് മോചനം അനുവദിച്ച് ഭരണാധികാരികൾ. സാമൂഹിക ഐക്യവും മാനുഷിക പരിഗണനയും ലക്ഷ്യമിട്ടാണ് നടപടി.
യുഎഇ പ്രസിഡൻറ് ഷെയ്ഖ് മുഹമ്മദ് ബിൻ സായിദ് ആൽ നഹ്യാൻയുടെ ഉത്തരവുപ്രകാരം 956 തടവുകാർക്ക് മോചനം അനുവദിച്ചു. ഇവർക്കുള്ള പിഴത്തുകകൾ അടക്കമുള്ള ബാധ്യതകളും ഭരണാധികാരികൾ വഹിക്കുമെന്ന് റിപ്പോർട്ടുണ്ട്.
ഷാർജയിൽ സുപ്രീം കൗൺസിൽ അംഗവും ഭരണാധികാരിയുമായ ഷെയ്ഖ് ഡോ. സുൽത്താൻ ബിൻ മുഹമ്മദ് അൽ ഖാസിമിയുടെ ഉത്തരവുപ്രകാരം 227 തടവുകാരെ മോചിപ്പിക്കാൻ തീരുമാനിച്ചു. അജ്മാനിൽ ഭരണാധികാരിയായ ഷെയ്ഖ് ഹുമൈദ് ബിൻ റാശിദ് അൽ നുഐമിയുടെ ഉത്തരവുപ്രകാരം 230 തടവുകാർക്കും മോചനം ലഭിച്ചു.തടവുകാരുടെ നല്ല പെരുമാറ്റവും സാമൂഹിക പുനരധിവാസ സാധ്യതകളും പരിഗണിച്ചാണ് മോചനം അനുവദിച്ചതെന്ന് അധികൃതർ അറിയിച്ചു. എന്നാൽ കൊലപാതകം, രാജ്യദ്രോഹം ഉൾപ്പെടെയുള്ള ഗുരുതര കുറ്റകൃത്യങ്ങളിൽ ശിക്ഷ അനുഭവിക്കുന്നവർക്ക് ഇളവ് ബാധകമല്ലെന്നും റിപ്പോർട്ടുകൾ വ്യക്തമാക്കുന്നു