സമൂഹമാധ്യമങ്ങളിൽ പ്രചരിക്കുന്ന അപകടകരമായ ബൈക്ക് യാത്രയുടെ ദൃശ്യങ്ങൾ പഴയത്; നിയമനടപടി അന്നുതന്നെ സ്വീകരിച്ചതായി റോയൽ ഒമാൻ പൊലീസ്

  1. Home
  2. International

സമൂഹമാധ്യമങ്ങളിൽ പ്രചരിക്കുന്ന അപകടകരമായ ബൈക്ക് യാത്രയുടെ ദൃശ്യങ്ങൾ പഴയത്; നിയമനടപടി അന്നുതന്നെ സ്വീകരിച്ചതായി റോയൽ ഒമാൻ പൊലീസ്

rop


സമൂഹമാധ്യമങ്ങളിൽ ഇപ്പോൾ വ്യാപകമായി പ്രചരിക്കുന്ന ഒരു ബൈക്ക് യാത്രികന്റെ ദൃശ്യങ്ങൾ പഴയ സംഭവവുമായി ബന്ധപ്പെട്ടതാണെന്ന് റോയൽ ഒമാൻ പൊലീസ് ഔദ്യോഗികമായി വ്യക്തമാക്കി. ഗതാഗത നിയമങ്ങൾ ലംഘിച്ചുകൊണ്ട് അതീവ അപകടകരമായ രീതിയിൽ ബൈക്ക് ഓടിക്കുന്നതിന്റെ ദൃശ്യങ്ങളാണ് ഓൺലൈനിൽ വീണ്ടും ചർച്ചയായത്. വീഡിയോ ശ്രദ്ധയിൽപ്പെട്ട നിരവധി പേർ കുറ്റക്കാരനെതിരെ കർശന നടപടിയെടുക്കണമെന്ന ആവശ്യവുമായി രംഗത്തെത്തിയതോടെയാണ് പൊലീസ് വിശദീകരണവുമായി എത്തിയത്.

പ്രചരിക്കുന്ന വീഡിയോ അടുത്തിടെ നടന്ന സംഭവത്തിന്റേതല്ലെന്നും, മറിച്ച് നേരത്തേ റിപ്പോർട്ട് ചെയ്യപ്പെട്ട ഒരു സംഭവമാണെന്നും റോയൽ ഒമാൻ പൊലീസ് അറിയിച്ചു. പ്രസ്തുത നിയമലംഘനം ശ്രദ്ധയിൽപ്പെട്ട അന്നുതന്നെ ബന്ധപ്പെട്ട വ്യക്തിക്കെതിരെ ആവശ്യമായ എല്ലാ നിയമനടപടികളും പൂർത്തിയാക്കിയിരുന്നതായും അധികൃതർ വ്യക്തമാക്കി.