ഇന്ത്യൻ ഇസ്‍ലാഹി സെന്റർ ഒമാന്റെ (IIC Oman) നേതൃത്വത്തിൽ റൂവി, വാദി കബീർ, സീബ്, സുവൈഖ് എന്നിവിടങ്ങളിൽ വിപുലമായ ഈദ്ഗാഹുകൾ സംഘടിപ്പിക്കുന്നു. വിവിധ സ്ഥലങ്ങളിലെ ഈദ്ഗാഹുകൾക്ക് പ്രമുഖ പണ്ഡിതന്മാർ നേതൃത്വം നൽകും.

റൂവി അൽ കരാമ ഹൈപ്പർ മാർക്കറ്റ് കോമ്പൗണ്ടിൽ നടക്കുന്ന ഈദ്ഗാഹിന് ഷെമീർ ചെന്ത്രാപ്പിന്നി നേതൃത്വം നൽകും. ഇവിടെ രാവിലെ 6:55-നാണ് പെരുന്നാൾ നമസ്‌കാരം ആരംഭിക്കുക. വാദി കബീർ ഇബ്നു കൽദൂൻ സ്കൂൾ കോമ്പൗണ്ടിൽ നടക്കുന്ന ഈദ്ഗാഹിന് ഹാഷിം അംഗടിമുഗർ നേതൃത്വം നൽകും. ഇവിടത്തെയും നമസ്‌കാര സമയം രാവിലെ 6:55-നാണ്.

സീബിലെ കാലിഡോണിയൻ കോളജ് ഗേറ്റ് നാലിൽ നടക്കുന്ന ഈദ്ഗാഹിന് നിഷാദ് സ്വലാഹി നേതൃത്വം നൽകും. ഇവിടെ രാവിലെ 7:10-നാണ് പെരുന്നാൾ നമസ്‌കാരം നിശ്ചയിച്ചിട്ടുള്ളത്. സുവൈഖിലെ ഷാഹി ഫുഡ്സ് കോമ്പൗണ്ടിൽ നടക്കുന്ന ഈദ്ഗാഹിന് സഫർ മാഹി നേതൃത്വം നൽകും. രാവിലെ 7:00-നാണ് സുവൈഖിൽ നമസ്‌കാരം ആരംഭിക്കുക. ഒമാനിലെ വിവിധ ഭാഗങ്ങളിലുള്ള മലയാളി പ്രവാസികൾക്ക് ഈ ഈദ്ഗാഹുകൾ പ്രയോജനകരമാകും.