ഏകീകൃത സർക്കാർ സേവന ആപ്ലിക്കേഷനായ 'സഹൽ' (Sahel App) വഴി പുതിയ ഡിജിറ്റൽ സിവിൽ രജിസ്ട്രേഷൻ സർട്ടിഫിക്കറ്റ് സേവനം ആരംഭിച്ചതായി പബ്ലിക് അതോറിറ്റി ഫോർ സിവിൽ ഇൻഫർമേഷൻ (PACI) അറിയിച്ചു. വ്യക്തികളുടെ സിവിൽ രജിസ്ട്രേഷൻ വിവരങ്ങൾ വിവിധ ഔദ്യോഗിക ആവശ്യങ്ങൾക്കായി ഡിജിറ്റൽ രൂപത്തിൽ തന്നെ പരിശോധിക്കുന്നതിനും സമർപ്പിക്കുന്നതിനും ഈ സർട്ടിഫിക്കറ്റ് ഉപയോഗിക്കാവുന്നതാണ്.

രാജ്യത്തെ ഡിജിറ്റൽ സർക്കാർ സേവനങ്ങൾ കൂടുതൽ വേഗത്തിലും കാര്യക്ഷമവുമാക്കുന്നതിന്റെയും പേപ്പർരഹിത നടപടിക്രമങ്ങൾ പ്രോത്സാഹിപ്പിക്കുന്നതിന്റെയും ഭാഗമായാണ് ഈ പുതിയ സംവിധാനം അവതരിപ്പിച്ചത്. പൊതുജനങ്ങൾക്ക് വിവിധ ഔദ്യോഗിക രേഖകളിലേക്ക് എളുപ്പത്തിലും സുരക്ഷിതമായും പ്രവേശനം ഉറപ്പാക്കുകയാണ് ഇതിലൂടെ ലക്ഷ്യമിടുന്നതെന്ന് പി.എ.സി.ഐ അധികൃതർ വ്യക്തമാക്കി.