ഒമാൻ ദേശീയദിനാഘോഷം: ആഘോഷങ്ങൾ അതിരുവിടരുതെന്ന് റോയൽ ഒമാൻ പൊലീസിന്റെ കർശന മുന്നറിയിപ്പ്

  1. Home
  2. International

ഒമാൻ ദേശീയദിനാഘോഷം: ആഘോഷങ്ങൾ അതിരുവിടരുതെന്ന് റോയൽ ഒമാൻ പൊലീസിന്റെ കർശന മുന്നറിയിപ്പ്

oman national day


ഒമാന്റെ 56-ാമത് ദേശീയദിനാഘോഷങ്ങൾ പൂർണ്ണ ഉത്തരവാദിത്തത്തോടെയും സുരക്ഷാ മുൻകരുതലുകളോടെയും നടത്തണമെന്ന് റോയൽ ഒമാൻ പൊലീസ് (ROP) പൊതുജനങ്ങളോട് അഭ്യർത്ഥിച്ചു. ആഘോഷങ്ങളുടെ പേരിൽ പൊതുസുരക്ഷയ്ക്കും ഗതാഗതത്തിനും തടസ്സമുണ്ടാക്കുന്ന തരത്തിലുള്ള യാതൊരുവിധ പ്രവർത്തനങ്ങളിലും ഏർപ്പെടരുതെന്ന് പൊലീസ് കർശന നിർദ്ദേശം നൽകിയിട്ടുണ്ട്.

വാഹനാഭ്യാസങ്ങളും അനാവശ്യ കൂട്ടംകൂടലും ഒഴിവാക്കണം

ദേശീയദിനാഘോഷങ്ങളുടെ ഭാഗമായി പൊതുസ്ഥലങ്ങളിൽ അനാവശ്യമായി ഒത്തുകൂടുന്നതും, ബഹളമുണ്ടാക്കുന്നതും, വാഹനങ്ങൾ ഉപയോഗിച്ച് അപകടകരമായ അഭ്യാസപ്രകടനങ്ങൾ നടത്തുന്നതും കർശനമായി ഒഴിവാക്കണമെന്ന് പൊലീസ് മുന്നറിയിപ്പ് നൽകി. എല്ലാവരും ഗതാഗത നിയമങ്ങൾ കൃത്യമായി പാലിക്കുകയും, നിരത്തുകളിൽ സുരക്ഷാ ഉദ്യോഗസ്ഥർ നൽകുന്ന നിർദ്ദേശങ്ങളോട് പൂർണ്ണമായും സഹകരിക്കുകയും വേണം.

രക്ഷിതാക്കൾക്ക് പ്രത്യേക നിർദ്ദേശം

കുട്ടികൾ സുരക്ഷിതമായും ഉത്തരവാദിത്തത്തോടെയുമാണ് ആഘോഷങ്ങളിൽ പങ്കെടുക്കുന്നതെന്ന് മാതാപിതാക്കളും രക്ഷിതാക്കളും ഉറപ്പുവരുത്തണമെന്നും റോയൽ ഒമാൻ പൊലീസ് നിർദ്ദേശിച്ചു. രാജ്യത്തിന്റെ ദേശീയദിനാഘോഷങ്ങൾ സുരക്ഷിതവും സമാധാനപരവുമാക്കുന്നതിന് പൊതുജനങ്ങളുടെ പൂർണ്ണ സഹകരണം ഉണ്ടാകണമെന്നും ആർ.ഒ.പി പ്രസ്താവനയിൽ അഭ്യർത്ഥിച്ചു.