അബൂദബിയിൽ കുട്ടികൾക്കും കൗമാരക്കാർക്കുമായി മലയാളം ഉൾപ്പെടെയുള്ള ഭാഷകളിൽ പുതിയ മാനസികാരോഗ്യ സേവനം ആരംഭിച്ചു. 'സകീന ഫോർ ചിൽഡ്രൻ' എന്ന പേരിലാണ് ഈ പദ്ധതിക്ക് തുടക്കം കുറിച്ചിരിക്കുന്നത്. പ്രതിമാസം 500 കുട്ടികൾക്ക് വരെ വ്യക്തിഗത തെറാപ്പി ഉൾപ്പെടെയുള്ള മാനസികാരോഗ്യ പരിചരണം നൽകാൻ ഈ സംവിധാനത്തിലൂടെ സാധിക്കും. മലയാളത്തിന് പുറമെ അറബി, ഇംഗ്ലീഷ്, ഹിന്ദി, ഉറുദു ഭാഷകളിലും ഈ സേവനം ലഭ്യമാണ്.

യു.എ.ഇയിലെ 'ഇയർ ഓഫ് ഫാമിലി' ആചരണത്തിന്റെ ഭാഗമായി പ്രമുഖ ആരോഗ്യ സേവന ശൃംഖലയായ പ്യുവർ ഹെൽത്ത് (PureHealth) ആണ് ഈ പദ്ധതി പ്രഖ്യാപിച്ചത്. 18 വയസ്സ് വരെയുള്ള കുട്ടികൾക്ക് ഔട്ട്‌പേഷ്യന്റ് സേവനം, രോഗനിർണ്ണയ പരിശോധനകൾ, പ്രത്യേക ഇൻപേഷ്യന്റ് പരിചരണം, സമഗ്രമായ ചികിത്സകൾ എന്നിവ ഇതിലൂടെ ഉറപ്പാക്കുന്നു.

പ്രധാന സേവനങ്ങൾ:

• കുട്ടികളുടെയും കൗമാരക്കാരുടെയും മനോരോഗ ചികിത്സ
• ഡെവലപ്‌മെന്റൽ പീഡിയാട്രിക്‌സ്
• ഒക്യുപേഷണൽ, സ്പീച്ച് ലാംഗ്വേജ് തെറാപ്പികൾ
• കുടുംബങ്ങൾക്കുള്ള മനഃശാസ്ത്ര പിന്തുണ

സകീന ശൃംഖലയ്ക്ക് കീഴിലുള്ള സൗകര്യങ്ങൾ:

• സെൻസറി, ഡിജിറ്റൽ തെറാപ്പി സ്‌പേസുകൾ
• പ്രത്യേക മെഡിക്കൽ ക്ലിനിക്കുകളും ഇൻക്ലൂസീവ് കളിസ്ഥലങ്ങളും
• 24 മണിക്കൂറും പ്രവർത്തിക്കുന്ന ഇൻപേഷ്യന്റ് യൂണിറ്റുകൾ
• 34 സാറ്റലൈറ്റ് ക്ലിനിക്കുകൾ, രണ്ട് മാനസികാരോഗ്യ കേന്ദ്രങ്ങൾ, രണ്ട് ന്യൂറോഡൈവേഴ്‌സിറ്റി സെന്ററുകൾ, ഒമ്പത് സംയോജിത ക്ലിനിക്കുകൾ.

500-ലധികം ആരോഗ്യവിദഗ്ദ്ധരും 77 അഡ്മിനിസ്ട്രേറ്റീവ് ജീവനക്കാരുമാണ് ഈ പദ്ധതിക്കായി സകീന നെറ്റ്‌വർക്കിന് കീഴിൽ സേവനമനുഷ്ഠിക്കുന്നത്.500-ലധികം ആരോഗ്യവിദഗ്ദ്ധരും 77 അഡ്മിനിസ്ട്രേറ്റീവ് ജീവനക്കാരുമാണ് ഈ പദ്ധതിക്കായി സകീന നെറ്റ്‌വർക്കിന് കീഴിൽ സേവനമനുഷ്ഠിക്കുന്നത്.