ഒമാനിലെ വിവിധ ഗവർണറേറ്റുകളിൽ വേനൽച്ചൂട് ശക്തമാകുന്നു. സിവിൽ ഏവിയേഷൻ അതോറിറ്റി പുറത്തുവിട്ട പുതിയ കണക്കുകൾ പ്രകാരം കഴിഞ്ഞ 24 മണിക്കൂറിനിടെ രാജ്യത്ത് ഏറ്റവും ഉയർന്ന താപനില ദിമാ വത്തായീനിൽ രേഖപ്പെടുത്തി - 45.2 ഡിഗ്രി സെൽഷ്യസ്.ബുധനാഴ്ച ഇതേ പ്രദേശത്ത് 43.5 ഡിഗ്രിയായിരുന്നു ഉയർന്ന താപനില. ഒരുദിവസത്തിനിടെ 1.7 ഡിഗ്രിയുടെ വർധനവാണ് രേഖപ്പെടുത്തിയത്.ഫഹൂദ് (44.9°C), ഷിനാസ് (44.6°C), സുഹാർ (44.5°C), റുസ്താഖ് (44.2°C), ബർക്ക (44°C) എന്നിവിടങ്ങളിലാണ് ഉയർന്ന താപനില രേഖപ്പെടുത്തിയ മറ്റ് പ്രധാന പ്രദേശങ്ങൾ.വരും ദിവസങ്ങളിലും ഉയർന്ന താപനില തുടരുമെന്നതിനാൽ പൊതുജനങ്ങൾ ജാഗ്രത പാലിക്കണമെന്ന് അധികൃതർ നിർദേശിച്ചു.