ഇറാനിലെ തുറമുഖ നഗരങ്ങളായ ബന്ദർ അബ്ബാസിലും സിറിക്കിലും വീണ്ടും യു.എസ് മിസൈലാക്രമണം. സിറിക് കൗണ്ടിയിലെ കുഹെസ്തക് നഗരത്തിലുണ്ടായ ആക്രമണത്തിൽ ഒരു കുട്ടിയുൾപ്പെടെ നാലുപേർ കൊല്ലപ്പെട്ടതായി ഇറാനിയൻ റെഡ് ക്രസന്റ് സ്ഥിരീകരിച്ചു. വിവാഹാഘോഷത്തിൽ പങ്കെടുത്തവർ സഞ്ചരിച്ചിരുന്ന വീടിന് നേരെയാണ് ആക്രമണമുണ്ടായത്. സംഭവത്തിൽ 50-ലേറെ പേർക്ക് പരിക്കേറ്റിട്ടുണ്ട്.

ഹോർമുസ് കടലിടുക്കിന് സമീപമുള്ള ഇറാനിയൻ കേന്ദ്രങ്ങളെ ലക്ഷ്യമിട്ട് രണ്ട് ദിവസത്തിനിടെ നടക്കുന്ന രണ്ടാമത്തെ ആക്രമണമാണിത്. ഹോർമുസിൽ കടൽ മൈനുകൾ സ്ഥാപിക്കാൻ ശ്രമിച്ചതിനും ജോർദാനിലെ യു.എസ് സൈനിക ക്യാമ്പിന് നേരെ മിസൈലുകൾ അയച്ചതിനുമുള്ള തിരിച്ചടിയാണ് ഈ നടപടിയെന്ന് ട്രംപ് അവകാശപ്പെട്ടു. കടലിടുക്കിലെ മൈനുകൾ നീക്കം ചെയ്തതായും ജോർദാനിലേക്ക് വന്ന മിസൈലുകൾ പ്രതിരോധിച്ചതായും അദ്ദേഹം വ്യക്തമാക്കി.