അമേരിക്കയിൽ ആശങ്ക സൃഷ്ടിച്ച് പൊവാസൻ വൈറസ്. ചെള്ളിലൂടെ പടരുന്ന രോഗമൂലം ഒരാളുടെ മരണം റിപ്പോർട്ട് ചെയ്തതോടെ ആണ് ആരോഗ്യ വിദഗ്ധർ ജാഗ്രത നിർദേശം നൽകിയത്. ഇതിന് മുൻപും അമേരിക്കയിൽ ഈ രോഗം പടർന്നിട്ടുണ്ട്. ഈ രോഗത്തിന് ചികിത്സ ലഭ്യമല്ല എന്നതാണ് മറ്റൊരു പ്രധാന പ്രശ്‌നം. പല തരത്തിലുള്ള ചെള്ളുകളിൽ നിന്ന് സീസണലായാണ് ഈ രോഗം പടരുന്നത്. രോഗ ലക്ഷണങ്ങൾ പ്രകടമാകാത്തതും രോഗം തിരിച്ചറിയുന്നത് വൈകാൻ കാരണമാകാറുണ്ട്.

പ്രധാന ലക്ഷണങ്ങൾ
ഒരാഴ്ച മുതൽ ഒരു മാസം വരെ നീണ്ടു നിൽക്കുന്നതായിരിക്കാം പൊവസാൻ വൈറസിന്റെ പ്രധാന ലക്ഷണങ്ങളെന്ന് ആരോഗ്യ വിദഗ്ധർ പറയുന്നു. ചെള്ളിന്റെ കടിയേറ്റത് മുതലായിരിക്കും രോഗ ലക്ഷണങ്ങൾ ഉണ്ടാകുക. എന്നാൽ മിക്ക ആളുകളിലും ലക്ഷണങ്ങൾ ഉണ്ടാകാറില്ല. പ്രധാന ലക്ഷണങ്ങൾ

പനി, തലവേദന, ക്ഷീണം, ഛർദ്ദിൽ എന്നിവ പ്രധാന ലക്ഷണങ്ങളാണ്

Powassan വൈറസ് മസ്തിഷ്‌ക അണുബാധ (എൻസെഫലൈറ്റിസ്) അല്ലെങ്കിൽ തലച്ചോറിനും സുഷുമ്‌നാ നാഡിക്കും ചുറ്റുമുള്ള ചർമ്മം (മെനിഞ്ചൈറ്റിസ്) ഉൾപ്പെടെയുള്ള ഗുരുതരമായ രോഗത്തിന് കാരണമാകും.

രോഗം ഗുരുതരമാകുന്നവർക്ക് സംസാരിക്കാൻ കഴിയാതെ വരിക, ജ്വരം, ഏകാഗ്രത ഇല്ലാതാവുക തുടങ്ങിയ പ്രശ്‌നങങ്ങളുണ്ടാകാറുണ്ട്. 10 പേരിൽ ഒരാൾ മരണത്തിന് കീഴടങ്ങാനുള്ള സാധ്യത കൂടുതലാണ്.

രോഗംതിരിച്ചറിയാം
രോഗം തിരിച്ചറിയുക എന്നത് ഏറെ പ്രയാസമുള്ള കാര്യമാണ്. രക്തമല്ലെങ്കിൽ സ്‌പൈനൽ ഫ്‌ലൂയിഡ് പരിശോധിക്കുന്നതിലൂടെ ആണ് ഈ രോഗം തിരിച്ചറിയാൻ സാധിക്കുന്നത്. രോഗമുള്ളവരുമായി സമ്പർക്കം പുലർത്താതിരിക്കാനും അതുപോലെ രോഗബാധിത പ്രദേശത്ത് പോവാതിരിക്കാനും ആളുകൾ പ്രത്യേകം ശ്രദ്ധിക്കണമെന്ന് ആരോഗ്യ വിദഗ്ധർ പറയുന്നു. രോഗ ബാധിത ചെള്ളുമായി സമ്പർക്കം പുലർത്തിയ ചരിത്രമുള്ളവരിലും രോഗം വരാൻ സാധ്യത കൂടുതലാണ്.

ചികിത്സ
ഈ രോഗത്തിന് പ്രത്യേക ചികിത്സയിലെന്നതാണ് മറ്റൊരു പ്രധാന പ്രശ്‌നം. ആന്റി ബയോട്ടിക്‌സ് കഴിക്കുന്നതിലൂടെ രോഗം മാറ്റാൻ കഴിയില്ല. നന്നായി വിശ്രമിക്കുകയും ധാരാളം വെള്ള കുടിക്കുകയും ചെയ്യുന്നതാണ് ഏറ്റവും അടിസ്ഥാനമായി നൽകാൻ കഴിയുന്ന ചികിത്സ. കഠിനമായ കേസുകളിൽ ശ്വസന പിന്തുണ, ജലാംശം, മസ്തിഷ്‌ക വീക്കം കുറയ്ക്കൽ എന്നിവയ്ക്കായി ആശുപത്രിയിൽ പ്രവേശിപ്പിക്കേണ്ടതുണ്ട്.