തിരുവനന്തപുരം നാവായിക്കുളത്ത് മരം വീണ് രണ്ടാം ക്ലാസുകാരി മരിച്ചു. നാവായിക്കുളം സ്വദേശികളായ സഹദ്-നാദിയ ദമ്പതികളുടെ മകൾ റിസ്വാനയാണ് മരിച്ചത്. അനുജത്തിയെ രക്ഷിക്കാനുള്ള ശ്രമത്തിനിടയിലാണ് റിസ്വാനയുടെ മുകളിലേക്ക് മരം ഒടിഞ്ഞുവീണത്.

ഇന്ന് രാവിലെ 10 മണിയോടെ അയൽവാസിയുടെ പുരയിടത്തിൽ കളിച്ചുകൊണ്ടിറിക്കുമ്പോഴായിരുന്നു സംഭവം.ഒന്നര വയസുകാരിയായ അനുജത്തിയുടെ ദേഹത്തേക്ക് മരം ഒടിഞ്ഞു വീഴുന്നത് കണ്ട് രക്ഷിക്കാൻ എത്തിയതായിരുന്നു റിസ്വാന.അപകടത്തിൽ അനുജത്തി രക്ഷപ്പെട്ടു.