കണ്ണൂർ പയ്യാമ്പലത്ത് കടലിൽകുളിക്കാൻ ഇറങ്ങിയ 3 വിദ്യാർഥികൾ മുങ്ങി മരിച്ചു. ബെംഗളൂരുവിലെ മെഡിക്കൽ വിദ്യാർഥികളായ അഫ്‌നാൻ, റഹാനുദ്ദീൻ, അഫ്‌റാസ് എന്നിവരാണ് മരിച്ചത്. മരണപ്പെട്ടവർ കർണാടക സ്വദേശികളാണ്.

ഇന്ന് രാവിലെയായിരുന്നു സംഭവം.താമസിക്കുന്ന റിസോർട്ടിനു മുന്നിലെ കടലിൽ കുളിക്കാൻ ഇറങ്ങിയതായിരുന്നു .അഫ്‌റാസാണ് ആദ്യം കടലിൽ ഇറങ്ങിയത്. ഒഴുക്കിൽപ്പെട്ടതോടെ മറ്റു 2 പേർ രക്ഷിക്കാൻ ഇറങ്ങി. മൂന്നുപേരും ഒഴുക്കിൽപ്പെട്ടതോടെ കൂട്ടത്തിലുള്ളവർ നാട്ടുകാരെയും മത്സ്യത്തൊഴിലാളികളെയും അറിയിച്ചു. എട്ടംഗ വിദ്യാർത്ഥികളായിരുന്നു സംഘത്തിലൂണ്ടായിരുന്നത്. ഫയർഫോഴ്‌സും പൊലീസും മത്സ്യത്തൊഴിലാളികളും നടത്തിയ തിരച്ചിലിലാണ് മൃതദേഹങ്ങൾ കണ്ടെത്തിയത്.