9 വയസുകാരിയുടെ കൈ മുറിച്ചുമാറ്റിയ സംഭവത്തിൽ ചികിത്സ പിഴവ് സമ്മതിച്ച് പാലക്കാട്ട് ജില്ലാ ആശുപത്രി. അന്വേഷണത്തിന് ഹാജരാവാൻ കുടുംബത്തിന് അയച്ച നോട്ടീസിലാണ് ചികിത്സാപ്പിഴവ് സ്ഥിരീകരിക്കുന്നത്.പാലക്കാട് പല്ലശ്ശന സ്വദേശിയായ വിനോദിനിയുടെ വലതു കൈയാണ് ചികിത്സാ പിഴവിനെ തുടർന്ന് മുറിച്ചുമാറ്റിയത്. കളിക്കുന്നതിനിടെ വീണ് പരിക്കേറ്റ കുട്ടിയെ പാലക്കാട് ജില്ലാ ആശുപത്രിയിൽ എത്തിച്ചെങ്കിലും വേണ്ടത്ര ചികിൽസ നൽകിയിരുന്നില്ലന്നാണ് കുടുംബത്തിന്റെ ആരോപണം. കോഴിക്കോട് മെഡിക്കൽ കോളജിൽ വെച്ചാണ് കുട്ടിയുടെ വലത് കൈ മുറിച്ചുമാറ്റിയത്. സംഭവത്തിൽ അന്വേഷണത്തിന് ഉത്തരവിട്ടെന്നും വീഴ്ച കണ്ടെത്തിയാൽ കുറ്റക്കാർക്കെതിരെ കർശന നടപടി സ്വീകരിക്കുമെന്നും പാലക്കാട് ഡിഎംഒ പറഞ്ഞിരുന്നു. അതുപ്രകാരം സർക്കാർ നിയോഗിച്ച വിദഗ്ധസംഘത്തിന് മുന്നിൽ കുട്ടിയുടെ കുടുംബം മൊഴി നൽകി.ഉണ്ടായ സംഭവങ്ങൾ ഉദ്യോഗസ്ഥർക്ക് മുന്നിൽ വിശദീകരിച്ചു എന്ന് കുടുംബം വ്യക്തമാക്കി. വിഷയത്തിൽ നീതി കിട്ടണമെന്നും. തങ്ങൾക്ക് ഭയം ഉണ്ടെന്നും കുട്ടിയുടെ അമ്മ പ്രസീത പ്രതികരിച്ചു