കേരള സർവകലാശാലയുടെ കീഴിലുള്ള കടയ്ക്കൽ കോട്ടപ്പുറത്തുള്ള പൂക്കോയ തങ്ങൾ മെമ്മോറിയൽ ആർട്‌സ് ആൻഡ് സയൻസ് കോളേജിന്റെ (പിഎംഎസ്എ കോളേജ്) കെട്ടിടവും സ്ഥലവും ബാങ്ക് അധികൃതർ ജപ്തി ചെയ്തു. മാനേജ്‌മെന്റ് കടമായി എടുത്തത് തിരിച്ചടക്കാതിരുന്നതാണ് കോളജ് ബാങ്ക് ജപ്തി ചെയ്തത്. ഇതോടെ അഞ്ച് കോഴ്‌സുകളിലായി ഇവിടെ പഠിക്കുന്ന വിദ്യാർഥികളുടെ ഭാവി തുലാസിലായി.

വിദ്യാർഥികൾക്ക് പഠനം തുടരാൻ സമീപത്തെ മറ്റൊരു കോളേജിൽ സംവിധാനം ഒരുക്കിയതായി മാനേജ്മെന്റ് പറയുന്നു. കുറച്ചുദിവസം അവിടെ പഠനം നടന്നെങ്കിലും വാടക നൽകാത്തതിനാൽ അതും അവസാനിച്ചു. വാടക നൽകാതെ ഇവിടെ തുടർപഠനം നടത്താനാകില്ലെന്ന നിലപാടിലാണവർ. മാനേജ്‌മെന്റ്‌റ് ഇടപെട്ട് പ്രശ്നം പരിഹരിക്കുന്നില്ലെന്നാണ് വിദ്യാർഥികളുടെ പരാതി. ഇതുസംബന്ധിച്ച് സർവകലാശാല അധികൃതർക്കും കടയ്ക്കൽ പോലീസിലും വിദ്യാർത്ഥികൾ പരാതി നൽകി.