കൊച്ചി നഗരത്തിലെ സ്വകാര്യ ബസുകളുടെ അപകടകാരിയായ മത്സരയോട്ടം നിയന്ത്രിക്കാൻ അടിയന്തര നടപടി ആവശ്യപ്പെട്ട് എഐവൈഎഫ് എറണാകുളം ജില്ലാ കമ്മിറ്റി രംഗത്ത്. ബസ് ഉടമകളുടെ പെർമിറ്റ് റദ്ധാക്കാൻ മോട്ടോർ വാഹന വകുപ്പ് തയ്യാറാകണമെന്നും എഐവൈഎഫ് ആവശ്യപ്പെട്ടു.

നഗരത്തിൽ സമീപ ദിവസങ്ങളിലുണ്ടായ പല അപകടങ്ങളും ബസുകളുടെ നിരക്ഷരമായ മത്സരയോട്ടമാണ് കാരണമെന്ന് എഐവൈഎഫ് പറഞ്ഞു.ക്രിമിനൽ കേസിൽ പ്രതിയായവരെയും ലഹരി ഉപയോഗിക്കുന്നവരെയും പൊതുഗതാഗത തൊഴിൽ സംവിധാനത്തിൽ നിന്ന് മാറ്റി നിർത്തണം എന്നും എഐവൈഎഫ് പറഞ്ഞു. ഇതിനായി പൊലീസിന്റെയും മോട്ടോർ വെഹിക്കിൾ ഡിപ്പാർട്ട്‌മെന്റിന്റെയും സംയുക്തപരിശോധന ശക്തമാക്കണമെന്നും എ ഐ വൈ എഫ് ഭാരവാഹികൾ ആവശ്യപ്പെട്ടു.

അതേസമയം, സ്വകാര്യ ബസുകളുടെ മത്സരയോട്ടത്തിൽ മനുഷ്യാവകാശ കമ്മീഷൻ ഇടപെടൽ. ഉദ്യോഗസ്ഥർ ജാഗ്രതയോടെ പ്രവർത്തിക്കണമെന്ന് ജസ്റ്റിസ് അലക്‌സാണ്ടർ തോമസ്. കളമശ്ശേരിയിൽ സ്വിഗ്ഗി ജീവനക്കാരൻ ബസിനടിയിൽ പെട്ട് മരിച്ച സംഭവത്തിൽ സ്വമേധയാ കേസ് രജിസ്റ്റർ ചെയ്തു. സംഭവത്തിൽ ട്രാൻസ്‌പോർട്ട് അസിസ്റ്റന്റ് കമ്മീഷണർ അന്വേഷിച്ച് സമഗ്രമായ റിപ്പോർട്ട് നൽകണമെന്നും കമ്മിഷൻ വ്യക്തമാക്കി.