കോന്നി മെഡിക്കൽ കോളജിൽ ഗുരുതര ചികിത്സപ്പിഴവുണ്ടായെന്ന് ആരോപണം. ശ്വാസതടസ്സത്തിന് ചികിത്സ തേടിയെത്തിയ 16 കാരിക്ക് 86 കാരിയുടെ എക്സ്റേ മാറി നൽകി. ഫിലിമിലെ പേരും വയസ്സും വ്യത്യസ്തമായിരുന്നിട്ടും ഇത് തിരിച്ചറിയാതെ ഡോക്ടർ പരിശോധന നടത്തി മരുന്ന് കുറിച്ചുനൽകിയെന്നാണ് ആരോപണം.

ഈ മാസം 14നാണ് പെൺകുട്ടി പിതാവിനൊപ്പം ആശുപത്രിയിലെത്തിയത്. ഡോക്ടറുടെ നിർദേശപ്രകാരം എക്സ്റേ എടുത്തപ്പോൾ നട്ടെല്ലിന് വളവുള്ള 86 കാരിയുടെ എക്സ്റേ ഫിലിമാണ് പെൺകുട്ടിക്ക് നൽകിയത്. തുടർന്ന് ഫിലിം പരിശോധിച്ച ഡോക്ടർ ശ്വാസതടസ്സത്തിനും വേദനയ്ക്കുമുള്ള മരുന്നാണു നൽകിയത്. സംഭവത്തിൽ ആശുപത്രി സൂപ്രണ്ട് വിശദീകരണം തേടി.