പട്ടികവർഗ്ഗ വികസന വകുപ്പിന് കീഴിൽ പ്രവർത്തിക്കുന്ന ചാലക്കുടി മോഡൽ റസിഡൻഷ്യൽ സ്‌കൂളിൽ കരാർ അടിസ്ഥാനത്തിൽ വർക്ക് എക്സ്പീരിയൻസ് ടീച്ചർ തസ്തികയിലേക്ക് നിയമനം നടത്തുന്നതിനായി അപേക്ഷ ക്ഷണിച്ചു.

എസ്.എസ്.എൽ.സി, വർക്ക് എക്സ്പീരിയൻസ് ടീച്ചർ തസ്തികയ്ക്ക് പി.എസ്.സി നിഷ്‌കർഷിച്ച സാങ്കേതിക യോഗ്യതകളും കെ-ടെറ്റ് (IV) യോഗ്യതയും ആവശ്യമാണ്. പ്രായപരിധി 22 മുതൽ 45 വയസ് വരെയാണ്. പപട്ടികവർഗ്ഗ വിഭാഗത്തിൽപ്പെട്ട നിശ്ചിത യോഗ്യതയും നൈപുണ്യവും കഴിവുമുള്ള ഉദ്യോഗാർത്ഥികൾക്ക് മുൻഗണന ലഭിക്കും. പ്രതിമാസം 10000/-രൂപയാണ് വേതനമായി ലഭിക്കുക.

താൽപര്യമുള്ള ഉദ്യോഗാർത്ഥികൾ വെള്ളക്കടലാസിൽ തയ്യാറാക്കിയ അപേക്ഷ, ബയോഡാറ്റ, വിദ്യാഭ്യാസ യോഗ്യത, വയസ്, ജാതി, പ്രവൃത്തിപരിചയം എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ സഹിതം മെയ് 25 ന് വൈകിട്ട് 5 മണിക്ക് മുൻപ് സീനിയർ സൂപ്രണ്ട്, മോഡൽ റസിഡൻഷ്യൽ സ്‌കൂൾ, ചാലക്കുടി, നായരങ്ങാടി, കോടശ്ശേരി പി.ഒ, തൃശൂർ - 680721 എന്ന വിലാസത്തിൽ അപേക്ഷ സമർപ്പിക്കണം.

കൂടുതൽ വിവരങ്ങൾക്ക്: 0480-2960400, 0480-2706100.