തിരുവനന്തപുരം തുമ്പ സെന്റ് സേവ്യേഴ്‌സ് കോളജിലെ മൂന്നാം സെമസ്റ്റർ ബിബിടി വിദ്യാർഥിനിയെ ജീവനൊടുക്കിയ നിലയിൽ കണ്ടെത്തി. ചിറയിൻകീഴ് അഴൂർ സ്വദേശിനി അനഘ സുധീഷിനെയാണ് ഇന്നലെ രാത്രി വീട്ടിൽ തൂങ്ങി മരിച്ച നിലയിൽ കണ്ടെത്തിയത്. അടുത്ത ദിവസം നടക്കാനിരിക്കുന്ന സെമിനാറിൽ പങ്കെടുക്കാൻ കഴിയാത്തതിന്റെ മാനസികവിഷമം മൂലം ജീവനൊടുക്കുന്നുവെന്ന് എഴുതിയ ആത്മഹത്യക്കുറിപ്പ് പൊലീസ് കണ്ടെടുത്തിട്ടുണ്ട്. അതേ സമയം അധ്യാപകരുടെ പീഡനമാണ് ആത്മഹത്യക്ക് കാരണമെന്ന് എസ്എഫ്‌ഐ ആരോപിച്ചു