രാഹുൽ മാങ്കൂട്ടത്തിലിനെതിരായ ആദ്യ ബലാത്സംഗ കേസിലെ പരാതിക്കാരിയെ വീണ്ടും അപമാനിച്ചെന്ന പരാതിയിൽ രാഹുൽ ഈശ്വറിന് കോടതി നോട്ടീസ്. കേസിൽ നേരത്തെ ജയിലിലായ രാഹുൽ ഈശ്വർ ജാമ്യത്തിലിറങ്ങിയ ശേഷവും യുവതിയെ അധിക്ഷേപിച്ചെന്ന് കാട്ടി അന്വേഷണ സംഘം സമർപ്പിച്ച ഹർജിയിലാണ് കോടതി നോട്ടീസ്. രാഹുൽ ജാമ്യ വ്യവസ്ഥ ലംഘിച്ചു എന്നും, രാഹുലിന്റെ ജാമ്യം റദ്ദാക്കണമെന്നുമാണ് അന്വേഷണ സംഘം ഹർജിയിൽ ആവശ്യപ്പെട്ടിട്ടുള്ളത്.

തിരുവനന്തപുരം അഡീഷണൽ സിജെഎം കോടതിയാണ് നോട്ടീസ് നൽകിയത്.ഈ മാസം 19 ന് നേരിട്ടോ അഭിഭാഷകൻ മുഖേനയോ ഹാജരാകണമെന്ന് നോട്ടീസിൽ ആവശ്യപ്പെട്ടിരിക്കുന്നത്. ജാമ്യം അനുവദിച്ചപ്പോൾ, പരാതിക്കാരിക്കെതിരേ മോശം പരാമർശങ്ങൾ നടത്തരുതെന്ന് കോടതി കർശന നിർദേശം നൽകിയിരുന്നു.