മലപ്പുറം മൂത്തേടം പഞ്ചായത്തിലെ ഏഴാം വാർഡിൽ യു.ഡി.എഫ്. സ്ഥാനാർഥി മരിച്ചതിനെ തുടർന്ന് തെരഞ്ഞെടുപ്പ് മാറ്റിവെച്ചു. വാർഡിലെ മുസ്‌ലിം ലീഗ് സ്ഥാനാർഥിയായി മത്സരിച്ച വട്ടത്ത് ഹസീന (52) ആണ് കുഴഞ്ഞുവീണ് മരിച്ചത്.

രാത്രി വൈകിയും നീണ്ട പ്രചാരണ പരിപാടികൾക്ക് ശേഷം വീട്ടിലെത്തിയ ഉടനെയാണ് ഹസീന കുഴഞ്ഞുവീണത്. ഇവർ പായിമ്പാടം അങ്കണവാടി അധ്യാപിക കൂടിയാണ്. കഴിഞ്ഞ ദിവസം തെരഞ്ഞെടുപ്പ് പ്രചാരണത്തിന്റെ ഭാഗമായി വോട്ട് ചോദിക്കാനായി വീടുകളിലും കുടുംബയോഗങ്ങളിലും സ്ഥാനാർഥി സജീവമായി പങ്കെടുത്തിരുന്നു. രാത്രി 11.15 ഓടെ കുഴഞ്ഞുവീണ ഹസീനയെ ഉടൻതന്നെ എടക്കരയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.