ഇന്ന് പുലർച്ചെ വിമാനത്താവളത്തിലേക്ക് യാത്രക്കാരുമായി പോകുമ്പോഴാണ് ഓട്ടോ മറിഞ്ഞത്. ബ്രേക്കിട്ടപ്പോൾ നിയന്ത്രണം വിട്ട് ഓട്ടോ വെള്ളക്കെട്ടിലേക്ക് മറിയുകയായിരുന്നു. ഓട്ടോയുടെ അടിയിൽപ്പെട്ട ഡ്രൈവറെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പരിക്കേറ്റ മറ്റു യാത്രക്കാർ ആശുപത്രിയിലാണ്. ഇതേ സ്ഥലത്ത് മുൻപും സമാനമായ അപകടങ്ങൾ നടന്നിട്ടുണ്ടെന്നാണ് നാട്ടുകാർ പറയുന്നത്.