സിഎംആർഎൽ മാസപ്പടി കേസുമായി ബന്ധപ്പെട്ട പ്രതിപക്ഷനേതാവ് പിണറായി വിജയന്റെ വീട്ടിലെ ഇഡി റെയ്ഡ് രാഷ്ട്രീയപ്രേരിതമാണെന്നും കോൺഗ്രസ്-ബിജെപി ഒത്തുകളിയാണെന്നും എ.എ റഹീം എംപി ആരോപിച്ചു. ഇഡി റെയ്ഡ് സിപിഎമ്മിനെതിരായ വേട്ടയാണെന്ന് എന്നും അദ്ദേഹം ആരോപിച്ചു.പ്രതിപക്ഷ നേതാവ് വി.ഡി സതീശൻ കഴിഞ്ഞ ദിവസം നടത്തിയ ഡൽഹി യാത്രയെ സംശയത്തോടെ കാണുന്നതായും എ.എ റഹീം പറഞ്ഞു. ഇഡി റെയ്ഡിനെ രാഷ്ട്രീയമായും നിയമപരമായും നേരിടുമെന്നും അദ്ദേഹം വ്യക്തമാക്കി.

ബിനീഷ് കോടിയേരിക്കെതിരായ കേസിൽ ഇപ്പോഴുള്ള പ്രതിഷേധം ഉണ്ടാവാത്തതിനെ കുറിച്ചുള്ള മാധ്യമപ്രവർത്തകരുടെ ചോദ്യത്തോട് പ്രകോപിതനായാണ് റഹീം പ്രതികരിച്ചത്. വീണയെ അല്ല പാർട്ടിയുടെ മുതിർന്ന പോളിറ്റ്ബ്യൂറോ അംഗത്തെയാണ് ഇഡി മണിക്കൂറുകളായി തടഞ്ഞുവെച്ചിരിക്കുന്നത്. ഇത്തരമൊരു അവസരത്തിൽ മാധ്യമങ്ങൾ ഔചിത്യമില്ലാത്ത ചോദ്യങ്ങൾ ഒഴിവാക്കണമെന്നും റഹീം പറഞ്ഞു.