കോഴിക്കോട് പേരാമ്പ്രയിൽ ആയുർവേദ മസാജ് കേന്ദ്രത്തിന്റെ മറവിൽ പെൺവാണിഭം നടത്തിയ സംഘം അറസ്റ്റിൽ. നാലു സ്ത്രീകളും രണ്ട് യുവാക്കളും അടങ്ങിയ നടത്തിപ്പുകാരുമാണ് അറസ്റ്റിലായത്. പേരാമ്പ ബവ്‌റിജസ് ഔട്ട്‌ലറ്റ്‌ലെറ്റിനു സമീപമുള്ള ആയുഷ് സ്പാ എന്ന മസാജ് കേന്ദ്രത്തിലാണ് പൊലീസ് റെയ്ഡ് നടത്തിയത്.
പാലക്കാട് ആലത്തുർ സ്വദേശിയായ കൃഷ്ണദാസിന്റേതാണ് സ്ഥാപനം. ചെമ്പനോട സ്വദേശി ആന്റോ ആണ് മാനേജർ

ഒരു വർഷത്തിലധികമായി ഈ സ്ഥാപനം ഇവിടെ പ്രവർത്തിക്കുകയായിരുന്നു. ദിനംപ്രതി നിരവധി പേരാണ് സ്ഥാപനത്തിൽ എത്തിയിരുന്നത്. മറ്റ് ജില്ലകളിൽ നിന്നും ഇതരസംസ്ഥാനങ്ങളിൽ നിന്നും സ്ത്രീകളെ എത്തിച്ചായിരുന്നു സ്ഥാപനത്തിന്റെ പ്രവർത്തനം

ആയിരം രൂപയിൽ തുടങ്ങി മസാജിന്റെ രീതി മാറ്റത്തിനനുസരിച്ചാണ് നിരക്കുകൾ.നിരവധി പരാതികളാണ് ഈ സ്ഥാപനത്തിനെതിരെ ഉണ്ടായിരുന്നത്. കോഴിക്കോട് റൂറൽ ജില്ലാ പൊലീസ് മേധാവി കെ.ഇ. ബൈജുവിന്റെ കീഴിലെ സ്‌ക്വാഡും പേരാമ്പ്ര ഡിവൈഎസ്പി എൻ.സുനിൽ കുമാറിന്റെ കീഴിലെ സ്‌ക്വാഡും പേരാമ്പ്ര പൊലീസും ചേർന്നാണ് റെയ്ഡ് നടത്തിയത്.