സംസ്ഥാനത്ത് സ്വർണവില വീണ്ടും കൂടി. ഒറ്റയടിക്ക് പവന് 400 രൂപയാണ് ഇന്ന് വർധിച്ചത്. ഇന്നത്തെ ഒരു പവൻ സ്വർണവില 72,480 രൂപയാണ്. ഗ്രാമിന് 50 രൂപയാണ് വർധിച്ചത്. 9060 രൂപയാണ് ഒരു ഗ്രാം സ്വർണത്തിന്റെ വില. രണ്ടാഴ്ചയ്ക്കിടെ 3000 രൂപയിലധികം കുറഞ്ഞ ശേഷം മാസം ആദ്യം മുതൽ സ്വർണവില വീണ്ടും വർദ്ധിക്കാൻ തുടങ്ങി.

ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും.