കേരളത്തിൽ തുടരുന്ന അതിതീവ്ര മഴയെ തുടർന്ന് വിവിധ ജില്ലകളിൽ വിദ്യാഭ്യാസ സ്ഥാപനങ്ങൾക്ക് നാളെ (ജൂൺ 16, തിങ്കളാഴ്ച) അവധി പ്രഖ്യാപിച്ചു. ജില്ലകളിൽ റെഡ് അലേർട്ടുകളും ശക്തമായ മഴ മുന്നറിയിപ്പുകളും നിലനിൽക്കുന്ന സാഹചര്യത്തിലാണ് അവധി പ്രഖ്യാപിച്ചിരിക്കുന്നത്. കാസർകോട്, വയനാട്, തൃശൂർ, മലപ്പുറം, കണ്ണൂർ ജില്ലകളിലാണ് ഇതുവരെ അവധി പ്രഖ്യാപനം ലഭിച്ചിരിക്കുന്നത്.

കണ്ണൂർ
കണ്ണൂർ ജില്ലയിൽ റെഡ് അലർട്ട് പ്രഖ്യാപിച്ചതിനും കനത്ത മഴ തുടരുന്നതിനും പശ്ചാത്തലത്തിൽ സ്‌കൂളുകൾ, അങ്കണവാടികൾ, മതപഠന സ്ഥാപനങ്ങൾ, ട്യൂഷൻ സെന്ററുകൾ എന്നിവയ്ക്കാണ് നാളെ അവധി പ്രഖ്യാപിച്ചു. പ്രൊഫഷണൽ കോളേജുകൾക്ക് അവധി ബാധകമല്ല.

മലപ്പുറം
ജില്ലയിൽ അതിതീവ്ര മഴ തുടരുകയും റെഡ് അലർട്ട് പ്രഖ്യാപിക്കപ്പെടുകയും ചെയ്തതിനെ തുടർന്ന്, പ്രൊഫഷണൽ കോളേജുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും നാളെ അവധി പ്രഖ്യാപിച്ചിട്ടുണ്ട്. മുൻ നിശ്ചയിച്ച പരീക്ഷകൾ ,റസിഡൻഷ്യൽ വിദ്യാഭ്യാസ സ്ഥാപനങ്ങൾ എന്നിവയ്ക്ക് അവധി ബാധകമല്ല.

കാസർകോട്
റെഡ് അലർട്ട് പ്രഖ്യാപിച്ച സാഹചര്യത്തിൽ കാസർകോട് ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ അവധി പ്രഖ്യാപിച്ചു

വയനാട്
വയനാട് ജില്ലയിലും റെഡ് അലർട്ടും കണക്കിലെടുത്ത്, പ്രൊഫഷണൽ കോളേജുകൾ ഉൾപ്പെടെ എല്ലാ സ്‌കൂളുകൾക്കും, അങ്കണവാടികൾ, മദ്‌റസകൾ, ട്യൂഷൻ സെന്ററുകൾ എന്നിവയ്ക്കും നാളെ അവധി ആയിരിക്കും. റസിഡൻഷ്യൽ സ്ഥാപനങ്ങൾക്ക് അവധി ബാധകമല്ല.

തൃശൂർ
കനത്ത മഴ തുടരുന്ന തൃശൂർ ജില്ലയിൽ ഓറഞ്ച് അലേർട്ടിന്റെ പശ്ചാത്തലത്തിൽ, എല്ലാ വിദ്യാഭ്യാസ സ്ഥാപനങ്ങൾല്ലും അവധി പ്രഖ്യാപിച്ചു., മുൻകൂട്ടി നിശ്ചയിച്ച പരീക്ഷകൾക്കും അഭിമുഖങ്ങൾക്കും അവധി ബാധകമായിരിക്കില്ല . പ്ലസ് വൺ പ്രവേശന നടപടികളും നിശ്ചയിച്ച പ്രകാരം നടക്കും