മാധ്യമപ്രവർത്തകനെതിരായ തീവ്രവാദി പരാമർശത്തിൽ എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനെതിരെ കേസെടുത്ത് മനുഷ്യാവകാശ കമ്മീഷൻ.യൂത്ത് കോൺഗ്രസ്സ് നേതാവ് വി പി ദുൽകിഫിൽ നൽകിയ പരാതിയിലാണ് കമ്മീഷൻ നടപടി. ജനുവരി മൂന്നിന് നൽകിയ പരാതിയിലാണ് കമ്മീഷൻ കേസെടുത്തിരിക്കുന്നത്.മലപ്പുറം പരാമർശത്തെക്കുറിച്ചുള്ള ചോദ്യത്തോട് മാധ്യമപ്രവർത്തകരോട് പ്രകോപിതനായി സംസാരിച്ചതിൽ വിശദീകരണം നൽകുമ്പോഴാണ് വെള്ളാപ്പള്ളി മാധ്യമപ്രവർത്തകനെ തീവ്രവാദിയെന്ന് വിളിച്ചത്.തന്നോട് ചോദ്യം ചോദിച്ച മാധ്യമപ്രവർത്തകൻ തീവ്രവാദിയാണെന്നും ഈരാറ്റുപേട്ടക്കാരനാണെന്നും ഇയാൾ മുസ്ലിംകളുടെ വലിയ വാക്താവാണെന്നുമായിരുന്നു വെള്ളാപ്പള്ളിയുടെ പരാമർശം