കളമശ്ശേരി സ്‌ഫോടന കേസിലെ പ്രതി ഡോമിനിക് മാർട്ടിനെതിരെ സാക്ഷ്യം പറയുന്നവരെ കൊലപ്പെടുത്തുമെന്ന് ഭീഷണി സന്ദേശം. യഹോവ സാക്ഷികളുടെ പിആർഒയുടെ ഫോൺ നമ്പറിലേക്കാണ് ഭീഷണി ലഭിച്ചത്. സന്ദേശം മലേഷ്യൻ നമ്പറിൽ നിന്നാണ് വന്നതെന്ന് സംശയം.

മെയ് 12-ന് രാത്രി പത്ത് മണിയോടെയാണ് സന്ദേശം ലഭിച്ചത്. യഹോവ സാക്ഷികളുടെ സമ്മേളനങ്ങളിലും ബോംബ് വെക്കുമെന്നുമാണ് ഭീഷണി. പരാതിയുടെ അടിസ്ഥാനത്തിൽ പൊലീസ് എഫ്ഐആർ രജിസ്റ്റർ ചെയ്ത് അന്വേഷണം ആരംഭിച്ചു.2023 ഒക്ടോബർ 29-ന് സാംറ കൺവെൻഷൻ സെന്ററിൽ നടന്ന സ്‌ഫോടനത്തിൽ എട്ട് പേർ മരിച്ചു, 45 പേർക്ക് പരിക്കേറ്റിരുന്നു. കേസിലെ ഏക പ്രതിയാണ് മാർട്ടിൻ