കൊച്ചി - കുവൈറ്റ് എയർ ഇന്ത്യാ വിമാനം സാങ്കേതിക പ്രശ്നത്തെ തുടർന്ന് അടിയന്തരമായി തിരിച്ചിറക്കി
കൊച്ചിയിൽനിന്ന് കുവൈറ്റിലേക്ക് പറന്ന എയർ ഇന്ത്യ വിമാനം അടിയന്തരമായി തിരിച്ചിറക്കി. AI 9253 എന്ന എയർ ഇന്ത്യ വിമാനമാണ് കൊച്ചിയിൽ തിരിച്ചിറക്കിയത്. യാത്രക്കിടെ സാങ്കേതിക പ്രശ്നം കണ്ടെത്തിയെന്നാണ് എയർ ഇന്ത്യയുടെ വിശദീകരണം. 4.30ന് കൊച്ചിയിൽനിന്നും യാത്രക്കാരുമായി പുറപ്പെട്ട വിമാനം രണ്ട് മണിക്കൂർ പറന്ന ശേഷമാണ് തിരിച്ചിറക്കിയത്. യാത്രക്കാർ സുരക്ഷിതരാണ്.