ദേശീയപാത നിർമ്മാണ മേഖലയായ കുപ്പം കപ്പണത്തട്ടിൽ വീണ്ടും മണ്ണിടിച്ചിലുണ്ടായി. ഇന്നലെ രാവിലെയാണ് മഴയെത്തുടർന്ന് മണ്ണിടിച്ചിലുണ്ടായത്. ദേശീയപാത റോഡിന് മുകളിലായി നിർമ്മിച്ച കോൺഗ്രീറ്റ് ഭിത്തിയാണ് ഇടിഞ്ഞത്. സമീപ പ്രദേശത്തെ വീടുകൾ അടക്കം കെട്ടിടങ്ങൾക്ക് ഭീഷണിയുണ്ടാകുന്ന രീതിയിലാണ് ഇപ്പോൾ കുപ്പത്ത് മണ്ണിടിയുന്നത്. കൂടുതൽ മണ്ണിടിച്ചിലുണ്ടായതോടെ സമീപത്തെ കുടുംബങ്ങൾ ഭീതിയിലാണ്. ദേശീയ പാതാ നിർമ്മാണത്തിന്റെ ഭാഗമായി കുന്നിടിച്ച് മണ്ണ് മാറ്റി നിർമ്മാണം നടത്തിയ ഭാഗമാണിത്.

കഴിഞ്ഞ ദിവസം മഴ ശക്തമായതോടെ പ്രദേശത്ത് മണ്ണിടിഞ്ഞിരുന്നു. ദേശീയപാത അതോരിറ്റി പരിശോധനയും പുനസ്ഥാപന ശ്രമവും തുടങ്ങി, പക്ഷേ ഗതാഗതം ഇപ്പോഴും പുനസ്ഥാപിക്കപ്പെട്ടിട്ടില്ല.ജാഗ്രത നിർദ്ദേശം പുറപ്പെടുവിച്ചിട്ടുണ്ട്. പ്രദേശവാസികൾക്ക് പ്രത്യേകം ശ്രദ്ധ വേണമെന്നും അധികൃതർ അറിയിച്ചു.