തൃശ്ശൂരിൽ പിതാവിന്റെ മരണത്തിന് പിന്നാലെ നവജാത ശിശുവും മരിച്ചു
തൃശ്ശൂർ വെള്ളറക്കാട്ട് 18 ദിവസം മാത്രം പ്രായമായ നവജാത ശിശുവിനെ ഇന്ന് പുലർച്ചെ നാല് മണിയോടെ വീട്ടിലെ തൊട്ടിലിൽ മരിച്ച നിലയിൽ കണ്ടെത്തി. പാൽ തൊണ്ടയിൽ കുരുങ്ങിയതാകാം മരണകാരണമെന്നാണ് പ്രാഥമിക നിഗമനം.വെള്ളറക്കാട് തറമേൽഞാലിൽ വീട്ടിൽ സുധീഷ്-മനുരാധ ദമ്പതികളുടെ മകളാണ് മരിച്ചത്. ഇക്കഴിഞ്ഞ വെള്ളിയാഴ്ച വാഹനാപകടത്തിൽ കുഞ്ഞിന്റെ പിതാവായ സുധീഷ് മരിച്ചിരുന്നു.
സംഭവത്തിൽ കൂടുതൽ നടപടികൾ പൊലീസ് സ്വീകരിച്ചുവരികയാണ്.