നിലമ്പൂർ നിയമസഭ ഉപതിരഞ്ഞെടുപ്പിൽ തൃണമൂൽ കോൺഗ്രസ് സ്ഥാനാർഥിയായി പി.വി. അൻവറിനെ ഔദ്യോഗികമായി പ്രഖ്യാപിച്ചു .പശ്ചിമ ബംഗാൾ മുഖ്യമന്ത്രി മമതാ ബാനർജിയുടെ ഔദ്യോഗിക പിന്തുണയോടെയാണ് അൻവർ സ്ഥാനാർഥിയാകുന്നതെന്ന് പാർട്ടി ദേശീയ നേതൃത്വം വാർത്താകുറിപ്പിൽ അറിയിച്ചു.ഞായറാഴ്ച രാവിലെ നടത്തിയ പത്രസമ്മേളനത്തിലാണ് അൻവർ തെരഞ്ഞെടുപ്പിൽ മത്സരിക്കുമെന്ന് പ്രഖ്യാപിച്ചത്. മത്സരിക്കാനില്ലെന്ന നേരത്തെ എടുത്ത നിലപാട് മാറ്റിയതായും തിങ്കളാഴ്ച നാമനിർദേശ പത്രിക സമർപ്പിക്കുമെന്നും അൻവർ വ്യക്തമാക്കി.മമതാ ബാനർജിയും പത്ത് തൃണമൂൽ മന്ത്രിമാരും പ്രചാരണത്തിനെത്തും.
തൃണമൂൽ കോൺഗ്രസ് ഔദ്യോഗികമായി സ്ഥാനാർഥിത്വം പ്രഖ്യാപിച്ചതോടെ അൻവർ പാർട്ടി ചിഹ്നത്തിലാകും മത്സരിക്കുക എന്ന കാര്യം ഉറപ്പായിരിക്കുകയാണ്.