പ​ത്ത​നം​തി​ട്ട​യി​ൽ ന​ഴ്സി​ങ്​ വി​ദ്യാ​ർ​ഥി​നി​യു​ടെ മ​ര​ണ​ത്തി​ൽ ദു​രൂ​ഹ​ത​യു​ണ്ടെ​ന്ന പ​രാ​തിയിൽ ​അന്വേഷണത്തിന് ഉത്തരവിട്ട് ആരോ​ഗ്യമന്ത്രി. 
 അ​മ്മു ആ​ത്മ​ഹ​ത്യ ചെ​യ്യി​ല്ലെ​ന്നും, ഹോ​സ്റ്റ​ൽ അ​ധി​കൃ​ത​രും സ​ഹ​പാ​ഠി​ക​ളും പ​ല​തും ഒ​ളി​ക്കു​ന്നു​ണ്ടെ​ന്നും അ​മ്മു​വി​ന്റെ സ​ഹോ​ദ​ര​ൻ അ​ഖി​ൽ  ആരോ​ഗ്യമന്ത്രിക്ക് നൽകിയ പരാതിയിൽ പറയുന്നു. 

വെ​ള്ളി​യാ​ഴ്ച​യാ​ണ് ചു​ട്ടി​പ്പാ​റ എ​സ്.​എം.​ഇ ന​ഴ്സി​ങ്​ കോ​ള​ജി​ലെ ബി.​എ​സ്​​സി അ​വ​സാ​ന വ​ർ​ഷ വി​ദ്യാ​ർ​ഥി​നി അ​മ്മു എ​സ്. സ​ജീ​വി​നെ ഹോ​സ്റ്റ​ലി​ലെ മൂ​ന്നാം​നി​ല​യി​ൽ​നി​ന്ന് വീ​ണ​നി​ല​യി​ൽ ക​ണ്ടെ​ത്തി​യത്. ഗു​രു​ത​ര പ​രി​ക്കേ​റ്റ അ​മ്മു​വി​നെ തി​രു​വ​ന​ന്ത​പു​രം മെ​ഡി​ക്ക​ൽ കോളേജിൽ എത്തിയപ്പോഴാണ് മരണം സംഭവിച്ചത്. 

ഹോ​സ്റ്റ​ൽ മു​റി​യി​ലെ പ​രി​ശോ​ധ​ന​യി​ൽ ‘I quit ’ എ​ന്ന് എ​ഴു​തി​യ പേ​പ്പർ ലഭിച്ചുവെന്നും അഖിൽ പറഞ്ഞു.