സംസ്ഥാനത്ത് ലഹരിക്കെതിരായ നടപടികൾ ശക്തമാക്കി ആഭ്യന്തരവകുപ്പിന്റെ ഓപ്പറേഷൻ തൂഫാൻ. ഇതുവരെ 10,015 പേരെ അറസ്റ്റ് ചെയ്യുകയും 9,280 കേസുകൾ രജിസ്റ്റർ ചെയ്യുകയും ചെയ്തതായി ആഭ്യന്തരമന്ത്രി രമേശ് ചെന്നിത്തല അറിയിച്ചു. 1,004 കിലോഗ്രാം കഞ്ചാവും 8.28 കിലോഗ്രാം എംഡിഎംഎയും പിടികൂടിയതായും മന്ത്രി വ്യക്തമാക്കി.

കേരളത്തിൽ മണിക്കൂറിൽ ശരാശരി ആറ് പേരെ ഓപ്പറേഷൻ തൂഫാന്റെ ഭാഗമായി അറസ്റ്റ് ചെയ്യുന്നുണ്ടെന്ന് രമേശ് ചെന്നിത്തല പറഞ്ഞു. നടപടികൾ ശക്തമായതോടെ സംസ്ഥാനത്ത് ലഹരിയുടെ ലഭ്യത കുറഞ്ഞതായും അദ്ദേഹം അവകാശപ്പെട്ടു.

ജനങ്ങളും പൊലീസും ഒരുമിച്ച് നിന്നുള്ള ലഹരിവിരുദ്ധ പോരാട്ടത്തിന്റെ മാതൃകയാണ് ഓപ്പറേഷൻ തൂഫാനെന്നും രാജ്യത്തിന് തന്നെ മാതൃകയാക്കാവുന്ന പ്രവർത്തനമാണിതെന്നും മന്ത്രി പറഞ്ഞു.

ഓണാഘോഷത്തിന്റെ മറവിൽ ലഹരി വ്യാപനം അനുവദിക്കില്ലെന്നും അദ്ദേഹം വ്യക്തമാക്കി. ഓണക്കാലം സുരക്ഷിതമാക്കുന്നതിനായി ഓപ്പറേഷൻ തൂഫാന്റെ പ്രത്യേക പരിശോധനയും നടപടികളും ശക്തമാക്കിയിട്ടുണ്ട്. ലഹരിക്കെതിരെ യാതൊരു വിട്ടുവീഴ്ചയുമില്ലാതെ പോരാട്ടം തുടരുമെന്നും രമേശ് ചെന്നിത്തല അറിയിച്ചു.